ديوان الشاعر عجاب صالح الحنتمي المزيني

لاهنت يامرسل علي الرسايل
وانته تمشى في نفود الثويرات

ودك تسليني عسى العمر طايل
وانته علي اثرت في فايتن فات

ذكرتني ياشوق ضاف الجدايل
وقتن مضى قدام بث القنوات

بدوٍ لنا سفن الصحاري رحايل
نقطع بها قبل المواثر مسافات

وان لاح براق الحيا بالمخايل
البيض طوٍ للبيوت الذريات

ياما تبعت معبسات الشمايل
مع الدروب البينه والخفيات

واليوم يالدباغ فيه تمايل
الوقت وضروف الزمان الصعيبات

العمر قفى ياعريب السلايل
ماقدر مثل مافات روحه وجيات

ماتشوف عينك يابيض الوجه زايل
قدامنا زالت ملوك وحضرات

صل الفروض وصل معها النفايل
وسج القدم قبل تجي فيه عثرات

عجاب صالح الحنتمي