ديوان الشاعر عجاب صالح الحنتمي المزيني

لاصرت ماترجى ولا منك ينخاف
عزي لحالك يارفيقي باهل الجيل

ييتن سمعته من على وقت الاسلاف
اعجبني المعنى ودق التفاصيل

واخذت لي مع هجعت الناس محراف
اسامر نجوم السماء والتماثيل

القاف ياهل العرف مبني على القاف
شاعر بيوتي بالمعاني محاميل

من شان مايلقابها كل مزهاف
علي درب ويرقب الضلع ويميل

من قام يرقب للخطا كل مهياف
لابد ماصلف الهبايب له اتشيل

نصيحتي ياهل المراجل والانصاف
باليله السودا سوات القناديل

من عاش بالدنيا بلا دين واهداف
مايفقدونه بعد موته رجاجيل

الطيب ماهو عملتن عند صراف
الطيب عمله بين روس المشاكيل

اليا عطوه اهل السعه عرض الاكتاف
نلقاه عند رجال ماتبخص الكيل

عجاب صالح الحنتمي