( البنت راغبها وترفض زواجي )

/
/
/
/
/
/
/
/
/
/
/
/
/
/
/
/
/
/

مافيه مخلوقٍ ماقدرتك فوقه=فيك السّند من يلتجي فيك ناجي
اتعزّ من عزّك بداخل خفوقه=ومن يحفظ اكتابك تزيّن بتاجي
ياللي علينا ماخفتنا حقوقه=ينذلّ من يعصاك ماله مناجي
والرّزق من عندك لخلقك تسوقه= ولكلّ كربه في يديك انفراجي
وان كان كثرة في زماني فتوقه=انصاك لاعكّر زماني مزاجي
ياربّ وضعي مابقى فيه روقه=والحال من عسره يزيد انحراجي
الشّوق لايعني ونفسي شفوقه=والبنت راغبها وترفض زواجي
والعذر مايقنع ولافيه لوقه=والنّاس ترفض لي قبول احتجاجي
في بعدها حسره وفالقرب عوقه=سارت همومي في مسار ازدواجي
ونصرك وفضلك كان لاحت بروقه=يسلك بها عبدك وسيع الفجاجي

الشّاعر / خالد بن عبيد بن معتوق ألأحمدي

تسجيل تواجد في منبر الجزاله
صح لساانكـ
بيض الله وجهك

صح لسانك ياخالد
تقول دقيس الصلبيه


من لاستشارك لاتبديله الشور= ومن لايودك ود عينك فراقه

صح لسانك
الله يكفينا شر
الحب القاتل

الحُب الباقي
صح بدنك واشكرك على مرورك

صح لسانك
والله يـعـطـيـك الـعـافيـــــــــــة

صح الله لسانك
ولاهنت
وسلم فكرك وبنانك
دمت برعاية الله وحفظة