مرثية في سلمان محمد الحربي ( رحمه الله )

هذي القصيده مرثيه في سلمان محمد الحربي وهو خال ابنائي الله يرحمه توفي يوم 6/3/1440

البارحه سهران و الجفن مابات

لين اذن المذن وانا غير رايق

سبت اعلومٍ جات ياليت ماجات

ياليتها ماكان صارت حقايق

قالولي ان البارحه صاحبك مات

والموت حق ولا تصير متضايق

مرحوم يارع الوفى والمروات

عزالله ان لك بالمواقف وثايق

عزالله الك ساعة الضيق فزعات

تشف الصدور اللي عليها حرايق

سلمان مات وذكر سلمان مامات

هذي حقايق اذ تبون الحقايق

كم ميتن يذكر وكم حي قدمات

ياصار ماله بالمراجل طرايق

يا لله عساه بوسط جنه وروضات

ابجاه من يكفل الرزق الخلايق

يارب يارافع السبع السموات

مجري سفينة نوح والموج فايق

يامطلع كل الامور الخفيات

يامذهب الضيقات عن كل ضايق

تجبر مصاب اهله وذاويه بالذات

بيومٍ ياطول الثانيه والدقايق،،

الشاعر باتل شجاع العتيبي ،،