( عافتك نفسي وقلبي مابغاك )

/
/
/
/
/
/
/
/
/
/
/





عافتك نفسي وقلبي مابغاك=لو دفعك الشّوق ليّه من جديد
انهدم مبنى تشيّد من غلاك=لبنته تزهاه من معدن فريد
صار لك ماضي يحدّث عن لقاك=ذكرياتك فيه ماعادت تفيد
اذكر انّك كنت فعيوني ملاك=واذكر انّك كنت في حبّي سعيد
المشاعر نبع صبّة في رضاك=وفي حساب الحبّ فاضت بالرّصيد
لكن انت انهيت حبّك في جفاك=والشّكوك تميت للحبّ الوطيد
فعلك المنكور عيّفني هواك=ولا يفيد اعتاب يالعقل العنيد
والعذر مرفوض ماكفّر خطاك=خذّ جوابي فيه بالرّاي السّديد
عافتك نفسي وقلبي مابغاك=لو دفعك الشّوق ليّه من جديد

الشّاعر / خالد بن عبيد بن معتوق ألأحمدي

ياسلام ياخالد على الحرف الذي يلامس القلب صح لسانك ياغالي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

أبدعت

	صار لك ماضي يحدّث عن لقاك=ذكرياتك فيه ماعادت تفيد

بيت شاعر غاص وغطس وجاب

صح لسانك ويسلم فكرك وبنانك

تحياتي

الحُبّ الباقي
صح بدنك

وبيض الله وجهك

يعجبني بحر السامري لاتعبت طال عمرك وعساك للقوه
صح لسانك

صح لسانك مليون على القصيده
والله يـعـطـيـك الـعـافيـــــــــــة