بديت بسم اللي عليه اعتمادي

بديت بسم اللي عليه اعتمادي=الواحد المعبود رب البريّه
صغت المثايل والفرايد جدادي=من شان ربعي محتمين الونيّه
ربعي هل البلها كعام المعادي=اهل الوفا واهل الصخا والحميّه
جلاديه لبّو الصوت المنادي=يوم المدينه طوّقوها عشيّه
بين البنادق والسيوف الحدادي=وردو حياض الموت ورد الضميّه
ماهمهم كثر البشر والعتادي=دكّو حصون الدوله العسكريّه
ربعي الياطال اللغا والعنادي=ميقافهم معروف في كل هيّه
حمسة عشر خابط ومعهن جوادي=بخيت قدّمهن سياق وهديّه
وقتٍ دخيل البيت ماهو بعادي=دونه تساق الروح صوب المنيّه
وجبيل فارس باللقا والطرادي=عن سبعة الفرّيس عزومه قويّه
وراشد فعوله يوم قدح الزنادي=يوم الثميدي تقل قشط برديّه
بارود خصمه تلّها بالايادي=عصبن عليه وحط جنبه خويّه
ورحيّل فعول الكرم له مبادي=من جل ذوده جاب حمرا ثنيّه
من ضيفانه نحرها وكادي=ويثني لهم حلو النباء والتحيّه
وبن ثواب بكل ماله مفادي=ماحاش بين المطيبه والصنيّه
ومهيّلاتٍ كل صبحٍ تنادي=لهل السفر والضيف والاهليّه
وثواب ابو نايف رقوّه سنادي=جاه ووجاه وكف دايم صخيّه
هاذي فعايلهم وراحت فوادي=بفعولهم والعزوه السالميّه

مساعد الجليدي

ونعم يامساعد فيك وفي ربعك ماهي غريبه



وصح لسانك يامبدع

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة أبو أجوان

	ونعم يامساعد فيك وفي ربعك ماهي غريبه وصح لسانك يامبدع

صح بدنك وماعليك زود ومليون شكر لك على مرورك
ودمت كما تحب

صح لسانك مليون والنعم والله وكفوووو كفوووو

النار ماتعقب الا الرماد... يامساعد

وبـــن ثـــواب بـكــل مـالــه مـفــادي
مـاحـاش بـيـن المطـيـبـه والصـنـيّـه

والنعم فيك وفي ربعك
صح لسانك وعلا شانك شاعرنا مساعد الجليدي