ما بالهواوي تخاريف .......

قصيدة بعنوان :


(( ما بالهواوي تخاريف ))


بقلم / فواز بن محسن الزويهري


🍂🌿🍂🌿🍂🌿🍂🌿🍂🌿






يهل الهوا ما بالهواوي تخاريف

ولا يعرف العاشق من القول ظني

واقلبي اللي شاف وده كما الريف

ترفه عريبة جد فيها التمني

تمشي على لهف القلوب المواليف

كل ما وطت قلب المعنا يغني

أبو عنيق شامخ ما لحق حيف

باقي من اسنان اللبن فيه سني

ولا ظن مثله فالغنادير قد شيف

أبو عيو ن دعج فيها التجني

الله حسيبه يوم يمشي على الكيف

يمشي بهونه بين كسر و تثني

يلد والبسمه *على المبسم تضيف

فوق الحلا شهد النحل بالتفني

غلاه عندي غلوت النخل لصيف

يثمر به الحالي في قنوه مقني

والنحل للازهار والبدو للكيف

كيف الرجال اللي مسوا ببني

لن غاب عن عيني لعيني تساريف

تسرف بدمع كن مزنه يدني

أضحيت من بعده لورحي تكاليف

أكلف عليها الضحك وهيه توني

ولا خلوج شاذبتها التصاريف

عن نجبها وأضحت بسقمه تحني

ما لهواوي غير قرب المعاريف

لو كن ما به باح ما كان كني

🌿🌿🌿🌿🌿🌿🌿🌿🌿

صح الله السانك ملايين

جزله من راس جزل

صح السانك لاهنت
ولاهان منطوقك

الرااقي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة