( نسيتها كن الذي كان ماكان=عشرة غريز المصلحه في كيانه )

/
/
/
/
/
/
/
/
/
/
/
/
/
/
/
/

نفسي صفت لك بالهوى وانت خوّان=يكفي عليها منك غدر وخيانه
هاين عليك الحبّ والحبّ لاهان= ماتقبله غير القلوب الجبانه
والحرّ فيه العزّ والعزّ سلطان= يرقا بذاته عن مواقف هوانه
ومنلا يشوف النّاس في رفعة الشّان=النّاس تنقص له مع النّاس شانه
ياخاين العشره عليك الهجر حان=ماعاد لك عندي غرام ومكانه
ماهو خطاك ان كان انا كنت غلطان=صدّقت هرجة كاذبٍ بالميانه
ساعة وعدني بالوفا حلف الايمان=ويصعب على الخوّان حفظ الامانه
وحد الهوى منهي وصاحبك حدمان=واعلن بها من صدق واصدر بيانه
نسيتها كن الذي كان ماكان=عشرة غريز المصلحه في كيانه

الشّاعر / خالد بن عبيد بن معتوق ألأحمدي

جزالة شاعر



صح لسانك

تسجيل تواجد في منبر الجزاله
صح لساانكـ
بيض الله وجهك

صح لسانك يابوعبيد
وبيض الله وجهك
لك مني اعذب التحايا

ومن لايشوف الناس في رفعة الشان==الناس تنقص له مع الناس شانه
نعم نعم صح لسانك

صح الله لسانك
ولاهنت
وسلم فكرك وبنانك
دمت برعاية الله وحفظة

الهيثم
اسعدني ومرورك وتشرفت بهذه الاشاده منك
وصح بدنك يابن العم

اشكرك ياسرور البشري
على مرورك
وصح بدنك