الطيب عند الناس مشري ومبيوع

يا اللي قهاويكم على دور الاسبوع=حنا قهاوينا على كل ساعه
ديوانكم جمعة قرايب مع ربوع=وديواننا منصي الغريب وجماعه
ان كانكم تل(ن) عن الارض مرفوع=حنا كما ضلع(ن) تعلى ارتفاعه
وان كانكم بالطيب للناس ينبوع=حنا نهرنا شاسع(ن) بأتساعه
حنا ورثنا الطيب والطيب مزروع=وسط الضماير زارعينه زراعه
والطيب لأهل الطيب حق(ن) ومشروع=والطيب ماهو طيب زيف الاشاعه
الطيب له ساس(ن) ورأس(ن) مع فروع=كل(ن) خذا منه حسب أستطاعه
والطيب باقي ماهو للناس ممنوع=كل(ن) خذا منه على قد صاعه
أحد(ن) على ماقيل يكفيه قرطوع=يأخذ على قدره وعنده قناعه
وأحد(ن) يحب الطيب وللطيب به جوع=لا شاف بحر الطيب عجل أندفاعه
وأحد(ن) بقي طيبه على سراج وشموع=وأحد(ن) كما شمس(ن) تدفق شعاعه
والطيب عند الناس مشري ومبيوع=سلعة هل الناموس ونعم البضاعه
أصعب على الرديان من حبة الكوع=والطيب كايد وأكثر الناس باعه
وأختامها صلوا على خير متبوع= المصطفى المختار راع الشفاعه

[/poem]

تسجيل تواجد في منبر الجزاله
صح لساانكـ
بيض الله وجهك

اي والله انه اصعب على الرديان من حبت الكوع
ياسلام كفو من الطيب وفيه صح لسانك وعلا شانك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

الحب الباقي

صح بدنك ووجهك ابيض
ومني اطيب تحيه لشخصك الكريم
وكل التقدير لحسن المتابعه وكريم المرور ونبيل الشعور

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة صلاح الحيسوني

	اي والله انه اصعب على الرديان من حبت الكوع ياسلام كفو من الطيب وفيه صح لسانك وعلا شانك

الاخ /صلاح الحيسوني

صح بدنك ولاعليك زود
وكل الشكر والتقدير لطيب المرور وكريم الشعور