صحيح مايرجع غريب في الارماس ... ولا ينعدل عكس بدون انعكاسي

السلام عليكم ورحمة الله وبركاته



يقول منه سن للحرب نبراس
يوم ذيب الهرج فالحرب حاسي
البارحة عديت من غرب مكناس
مقبل على طنجة مهيف لناسي
لفيتهم واخذت فالهرج مرواس
وجيت أذكر هرج ولياي ناسي
قالوا تذكر قلت عاطوني الكاس
ما يجيب علم راح لا غير كاسي
وقبل لا اعديه وتدق الاجراس
بصوت يبعث فالقلوب الحماسي
قلت خير : وقالوا امداد من فاس
بجيش يدعم جيش شديد باسي
قلت هاوي واحسب الدار نسناس
في عهد رجال حكيم سياسي
واحسبت ان الحرب كلام قرطاس
والصبر جاكم بالفرج بعد ياسي
ما احسبت ان الدار من ياس فبلاس
والناس من بعد الرجاء فانبلاسي
صراع كرسي ياعسى ابوه الافلاس
ويا الله زبنتك من حروب الكراسي
ولا صار ان العلم للناس حساس
ويجيب للمستور كثر الحساسي
ترى عليها الله عطية من الراس
من راس منه لا عطى علم قاسي
ولا ودي أخذل حر قدام جساس
ويفرح بها راع العباة الطلاسي
خذ علمها من راس ماهي بكراس
كلمة تهز ا عتى الجبال الرواسي
ان كان هرجة حطها ميت احساس
او فعل جانا من ضعيف الحواسي
حطيت راع الهرج بنه في محماس
وطيرت من سود القلوب النعاسي
أنا ليا من جات .. ما قلت محتاس
عندي ذراي و عزوتي تاج راسي
ربع ليامن جاء في الراس اعماس
بارودهم يجلاء العيون العماسي
يوم الرصاص ظلال والنار تنداس
و اللي بلا ركن شديد يداسي
لو كان ماشبوا من الضلع مقباس
ما كان راس الضلع لليوم راسي
ولا اذم رجل شاش سطرة لقرناس
من بيت باطناب وحد و مراسي
لان العرب قالوا ترى الخير عساس
وجساس ماله في النشاما مقاسي
والناس لو الوان واشكال واجناس
الفرق ما هو بينهم في الجناسي
فيه الذهب تلقى وتلقى به نحاس
وسعر الذهب ما يستوي بالنحاسي
اﻻ أن ما يرجع غريب في الارماس
ولا ينعدل عكس بدون انعكاسي

قالوا تذكر قلت عاطوني الكاس
ما يجيب علم راح لا غير كاسي
000000000000000000000

صح لسانك وان شاء الله يكون كاس ماتضماء بعده

	المشاركة الأصلية كتبت بواسطة سعد المحمدي

	قالوا تذكر قلت عاطوني الكاس ما يجيب علم راح لا غير كاسي 000000000000000000000 صح لسانك وان شاء الله يكون كاس ماتضماء بعده

صح بدنك يابو تركي
آمين .. شربة أن شاء الله لا نضمأ ولا تضمأ بعدها ابدا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة