2478لغز جديد وصعب وجايزته وسام من الاداره..محلول من الاجرد صح السانه

يابو هليل جارك الله من النار=أتعبت فكري والعيون ونظرها
أبحث عن الرمعه لاشك محتار=عجزت أميز بطنها من ظهرها
كني مابين النار يالقرم والغار=وتعبت أدور للحقيقه أثرها
أسرجت أنا خيل الهزيمه بالأفكار=إلا من الذكرى وماضي خبرها
ومنك العذر ياطيب الساس والكار=ماعاد باقي رمعتا ننتظرها

ماغرد القمري على روس الاشجار= حي الذي ساق البيوت ونشرها
ترحيبٍ احلى من لبن در الابكار= الي رعن بسهال نجد ووعرها
يالوايلي يامكرم الضيف والجار = الغوزنا ماكل رامي عثرها
ادري واعرف انك للالغاز بتار = ياكم خباتن غيركم ماقدرها
تبي الصحيح الغز يحتاج منضار = يكشف معاني وسط جوفه دررها
وان كان صعب الغز سامح بالاعسار= ماكل عذرى سهل يدفع مهرها

	المشاركة الأصلية كتبت بواسطة ابوهليل

	يابو هليل جارك الله من النار=أتعبت فكري والعيون ونظرها أبحث عن الرمعه لاشك محتار=عجزت أميز بطنها من ظهرها كني مابين النار يالقرم والغار=وتعبت أدور للحقيقه أثرها أسرجت أنا خيل الهزيمه بالأفكار=إلا من الذكرى وماضي خبرها ومنك العذر ياطيب الساس والكار=ماعاد باقي رمعتا ننتظرها ماغرد القمري على روس الاشجار= حي الذي ساق البيوت ونشرها ترحيبٍ احلى من لبن در الابكار= الي رعن بسهال نجد ووعرها يالوايلي يامكرم الضيف والجار = الغوزنا ماكل رامي عثرها ادري واعرف انك للالغاز بتار = ياكم خباتن غيركم ماقدرها تبي الصحيح الغز يحتاج منضار = يكشف معاني وسط جوفه دررها وان كان صعب الغز سامح بالاعسار= ماكل عذرى سهل يدفع مهرها

سر ياقلم باللوح واكتب لنا أسطار =من هاجسا صاغ البيوت وصخرها
مني لأبو هليل تحياتا كثار=أعداد ماهلت سحايب مطرها
واعداد ماخط القلم سر وجهار=واعداد ماحرم للحرم واعتمرها
للحربي اللي ماتنحى ولا بار=يقلط على الجزله ويقطف ثمرها
نعرفه بعلمه قبل شوفه بالأنظار=ومن لابتا بالطيب كلا شكرها
حرب العريبه طيبها بكل معبار=من ماضي التاريخ يدرى خطرها
عزا لدين الله وحماية الدار=تحفظ ولاء الدوله وتحمي ظهرها
ويوم المراجل بأم خمسا وبتار=كم أبلجا من حرب روحه نذرها
لهم سنام الطيب بالموقف الحار=وعلى سنام المجد يسطح قمرها
إليا عتلوا من فوق عجلات الأمهار=سيلا تعلا قمتا ثم حدرها
من أقصى الحجاز لنجد يمين ويسار=ذيدانهم ترعى نوادر زهرها
ويوم إبحر العلم والشرع ندار=قاده وساده بدوها مع حضرها
قلت الصحيح ولا على قولي غبار=وكل القبايل بطيبها مانخصرها