بين المرامش مثل شوك الكداده

البارحه جفني عن النوم مصدوف=بين المرامش مثل شوك الكداده
من واهجٍ بين المعاليق والجوف=عن جمره الغربي تطيّر رماده
على وليفٍ دونه الباب مدروف=حسبي على اللّي حيّره عن مراده
ادعج غنج والبطن ضامر وملهوف=كن الغظي ممنوع شربه وزاده
عن جملة الخفرات عندي بها نوف=عين اشقرٍ مربوط قرّب هداده
والعق عنق امذيّرٍ شاف له شوف=زولٍ لمح له بين عرق وحماده
وجدي عليها وجد من شيل مكتوف=واصبح سجين وشاف ظلم الأفاده
صدّر قراره ظلم وعيونه اتشوف=قالو قصاص ولقّونه الشهاده
مومن صحيح ولادخل قلبه الخوف=والسيف ضك ولاظهر من اغماده
وصاحت اجموع الناس طوفٍ ورا طوف=وجاه الطليب وفك ربطة اقياده
موقف يهز اشعور من حوله اوقوف=الله كتب له طول عمر وسعاده
الله يجيب مغيزل العين مزفوف=واحط عضدي حدر خده وساده
باالسنه السمحه امساكنٍ بمعروف=سنّه بها المعبود حافظ عباده

التوقيع مساعد الجليدي

الله الله صح لسانك يابو ماجد على هالقصيدة الغزليه العفيفه
والنظيفه التي نلمس من خلالها انها صدرت من شعور حقيقي
وليس من مجال الخيال الشعري ولا يسعني من خلال هذا المرور
الا ان اقول عسى الله يحقق لك مطلوبك . وصح لسانك وشعورك مره اخرى ..
وتقبل وافر التحيه ، اخوك سند العريمه

صح السانك وبيض الله وجهك

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

الشاعرالقدير مساعد الجليدي صح لسانك اله يعافيك

	المشاركة الأصلية كتبت بواسطة سند العريمه

	الله الله صح لسانك يابو ماجد على هالقصيدة الغزليه العفيفه والنظيفه التي نلمس من خلالها انها صدرت من شعور حقيقي وليس من مجال الخيال الشعري ولا يسعني من خلال هذا المرور الا ان اقول عسى الله يحقق لك مطلوبك . وصح لسانك وشعورك مره اخرى .. وتقبل وافر التحيه ، اخوك سند العريمه

صح بدنك ومليون شكر لك على مرورك الجميل وتعليقك المشرّف
دمت بخير وسعاده

صح الله لسانك
ولاهنت
وسلم فكرك وبنانك
دمت برعاية الله وحفظة

أخي الشاعر الفاضل مساعد الجليدي
السلام عليكم و رحمه الله و بركاته
صح لسانك على هذه المعزوفة الذهبية المكتوبه بماء الذهب
لقد تمتعت بقراءة هذه القصيدة الغزلية النظيفة و البعيده عن كل ما يخل بالشرف
لقد قلت فأجزلت و أبعدت عن الشكوك على طريق الحب الجريء
كما قلت أنني تمتعت بقرائتها و تشوقت ببيوتها و غزارة معناها
و ما تحتوي عليه من نصوص موجوده في جميع سيرة العشق
أكيد ما حنا الأولين ولا الآخرين على هذا الطريق
لقد كتبت فأجدت و لا يستغرب على الشاعر مساعد الجليدي أن يقول مثل هذه الأبيات
آخر قولي الله يكفيكم شر عيون الحساد و يجمع بينكم بخير و كلن يحصل مناه
تحيتي يحفظك الله

	المشاركة الأصلية كتبت بواسطة نديم المجرة

	صح السانك وبيض الله وجهك

صح بدنك ومليون شكر لك على مرورك الجميل
دمت بخير وسعاده

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه