( الفحص ماقبل الزّواج )...قصيده قابله للمجاراه أو الرّد

/
/
/
/
/
/
/
/
/
/
/
/
/
/
/

فوزارة الصّحه قرار ايسر ويجيب الونين=ولوزيرها على قرار الفحص مرفوع احتجاج
ياكم صارت مشكله والنّاس ماهم فاهمين=منّه حصل تشتيت شمل فعزّ قرب الاندماج
قصّه غريبه حاصله في عشق صافي من سنين=الرّجل كامل بالوفا والتّرف من سيد الغناج
فيهم توافق بالغلا في وضعهم متوافقين=لاكنّهم ماتوافقوا فالفحص ماقبل الزّواج
وعقد القران اللي لغوه بحزن في قلب الثّنين=واحتاروا بوضع الشّقا من وين يلقون الخراج
قرار جاير ذلك اللي يقطع الحبل المتين=اللي يبدّل كاس طعمه سلسبيل اليا هماج
وشلون يحكم بالقدر بالفحص وآشعّة رنين=الغيب يعلم به مدبّر يرسل الرّيح بعجاج
يمكن انهم لاصفة نيّاتهم حتماً تزين=اوضاعهم.والله يبدّل كل ميله واعوجاج
واعمال كل النّاس بالنّيات بتزين وتشين=ان شانت تزيد بضلام ان زانت اتضوّي سراج
يامومن ٍ بالفحص جاك ايمان بالله واليقين=والمتّكل لابد مايرزقه ربّه بانفراج

الشّاعر / خالد بن عبيد بن معتوق ألأحمدي