مع الشاعر القدير الطوّاف ..................

ناصربن مصلح=
بسم الله أبدأ على ماقول=وسلام بحـلا عباراتـه
لكل الاحبّه ترآ موصول=ويخصّ طوّافنـا ذاتـه
الطواف=
أعوذ بالله من المجهول=ويامرحبا فـي بداياتـه
وللجمع من عندنا مدبول=ويخصّ ناصر تحياتـه
ناصربن مصلح=
دآم البقاء والوفاء مرسول=مني لـك بكـل حالاتـه
نبغى المعاني تجيب حلول=للـي كثيـره سـؤالاتـه
الطواف =
نعمين يااهل الوفا وكمول=ذا شئ نشهد على اثباته
منك المعاني لها مدلـول=ومنهو سأل حق جاباتـه
ناصربن مصلح=
شاعر واعدّك أنا شملول =اكتب لنا اسمك وهاتـه
نفخر بمثلك بطيب فعول=والذيب ما يهاب وقفاته
الطواف=
اسمي حسابه لكم مجمول=وانتـه عليكـم بياناتـه
300 و 8 حــقــول=و 200 تكمل اشاراتـه
ناصربن مصلح=
لابد يـوم الجسـد بيـزول=والشعـر تبقـى سجلاّتـه
وتبقى الاسامي سنين اتجول=واجيـال تقـرأ كتابـاتـه
الطواف=
بالعون هرج العقل مقبول=يجلى عن القلب ضيقاته
لاجالنا من كبـار عقـول=وكل شئ مرهون باوقاته
ناصربن مصلح=
في داخلي جرح أنا محمول= عجـز ألأطبّـه مدآوآتـه
من غايب(ن) بالبعاد إيصول =زوّد علـى القلـب علاّتـه
الطواف=
اسباب تجري بعرض وطول= تفرض على المرء غيباتـه
احيان في سدّها محصـول= واحيـان رغمـاً اراداتـه
ناصربن مصلح=
ياصاحبي الفكر مذهـول=حتى الامل أعلن اوفاتـه
واقضي الليالي أنا معلول=كل ما تذكّـرت وجناتـه
الطواف=
فالمرء شَوْف النظر مسؤول=يشقيـه ويقـل راحـاتـه
مثل الذي يخايل المخيـول=وغيـره يتهنـا بلـذاتـه
ناصربن مصلح=
ماكان هذا لنـا مأمـول =نجني ألم في مجآرآتـه
ياليت حبل الرجاء مفتول=ويداوي الصـدر ونّاتـه
الطواف=
ماكل منهو تمنى ينـول=ويحقق اللي في نيّاتـه
لإن بحر المودّه مهـول=خطير غُـزره وغُبّاتـه
وحنا سمعنا رجال كهول=تروي لنا عن حكاياتـه
كم من غدا فالغرام فحول=راحو ضحيـه لغدراتـه

تسجيل تواجد في منبر الجزاله
صحت السنتكم
والله يـعـطـيـكم الـعـافيـــــــــــة
بيض الله وجيهكم

صح الله السنتكم اخواني الغالين
لكم مني كل الود

صحــت السنتكــم
دمتم برعاية الله وحفظة

	المشاركة الأصلية كتبت بواسطة الحب الباقي

	تسجيل تواجد في منبر الجزاله صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك ووجهك ابيض

تسلم وتعيش ويعافيك ربي ان شاء الله

شكرا لمرورك العطر وكلامك الجميل

	المشاركة الأصلية كتبت بواسطة ابومبارك اليوبي

	صح الله السنتكم اخواني الغالين لكم مني كل الود

صح بدنك ابو مبارك وسلمت كلك يالغالي

شكرا لمرورك الرائع

لا خلا ولا عدم

	المشاركة الأصلية كتبت بواسطة فهد ابن غانم

	صحــت السنتكــم دمتم برعاية الله وحفظة

صح بدنك وسلمت كلك

شكرا لمرورك حفظك الله

لا خلا ولا عدم

صح لسانك ناصر بن مصلح وصح لسان الطواف كلام شعار وباقتدار لكما كل الحب

لايستغرب الابداع من اهله
شكرا على النقل المميز ياناصر
والى الامااااام

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]