ديوان الشاعر(بخيتان البشري)

ابو فرح =
على مبادئ وطيب اصول = اللي عليها تربينا
نبدأ بذكر الولي ونقول = سلام مبدأ قوافينا
بخيتان البشري =
على عوايد لها مدلول = في نهجها اثرت فينا
على هدِي من لنا مرسول = ترحيب ينصى موافينا
ابو فرح =
عن ناتج الطلع والمحصول = اللي زهى فالبساتينا
عن سوقها من هو المسؤل = اللي محطم امانينا
بخيتان البشري =
حارت في بعض الامور عقول = إن جيت للحق ياخينا
سألت عن سيلها المنقول = وعيا لا احد فيه يفتينا
ابو فرح =
عن الحرم راغ لأسطنبول = إمامها بالمصلينا
والدق في بابها المقفول = مابل ريق المساكينا
بخيتان البشري =
مهما العنا في خفاك يجول = على الغلابا لا تبكينا
لو بوصف الطب للمعلول = اخاف ظلمة ليالينا
انتا وانا لو نجيب حلول = تذهب هباءً مساعينا
اصبر عساها الهموم تزول = للتهلكة لا تودينا