ردية (الحال حالاً) بيني وبين الشاعر عبدالعزيز اليوبي

02-02-13, 04:48 PM

السلام عليكم ورحمة الله وبركاته

إليكم هذا البدع والرد بيني وبين الشاعر عبدالعزيز اليوبي
بعد خروج المنتخب من كأس الخليج
واتمنى ان تنال اعجابكم

عبدالعزيز اليوبي=
سلام للشاعر القنديل=اللي به العز والمفخر
عندي وقايع لها تمثيل=وبنحلها قد ما نقدر
بدر اليوبي=
بعداد ما زير نهر النيل=ترحيب بالشاعر الأبهر
عطني ولاترمي المنديل=وهات الوقايع ولا تبتر
عبدالعزيز اليوبي=
ياصاح لا تتّبع للميل=فالكورة اللي بها نحتر
الحال حالاً يبا التحويل=و أرجوك لا تقول لي انطر
بدر اليوبي=
الشمس مانشوفها بدربيل=أكيد وبضوها تظهر
الحال حالاً يبا التبديل=والعقل لابد يتغير
عبدالعزيز اليوبي=
فكري وفكرك ثقافة جيل=والعقل لسّاع متحجر
الحال حالاً يبا التحليل=والمنتخب صار متبعثر
بدر اليوبي=
المنتخب فيه مهما قيل=تبقى ألاعيبهم تقهر
الحال حالاً يبا تعليل=وشلونه مدرب الأخضر
عبدالعزيز اليوبي=
ريكارد جالب لنا التقليل=وزاد المآسي علينا أكثر
الحال حالاً يبا تفصيل=إعلامنا اليوم متدحدر
بدر اليوبي=
إعلامنا صار للتطبيل=ويا للأسف حيل متبعثر
الحال مايقبل التأويل=لابد نرجع ونتصدر