نصيحة قلب

بسم الله الرحمن الرحيم

يا قلب لا تشكي الأمور و مللـــــــــــــــــها = اصبر و راع الصبر ربه معينـــــــه
النفس شاركها بكضمة زعلــــــــــــــــــــها = و قل ذي حلات الصبر يا كارهينــه
إليا بلاك الله بعميا و أهلـــــــــــــــــــــــــها = مسيلمة بالكذب متورثينــــــــــــــــه
ناسن تعف و عفوها ما شملــــــــــــــــــها = مثل سراج الضي لمولعينـــــــــــــه
اما ارحلت شيطان و إلا ارتحلـــــــــــــــها = صاع الردى ما بينهم قاسمينــــــــه
اصبر و ميز كذبها من جهلـــــــــــــــــــها = و الفرق بين المهزله و السمينـــــه
و إن كان جاتك كلمتن من زللـــــــــــــــها = من واحدن يترع بها عن ضغينــــه
كلمة تجي من واحدن ما عقلــــــــــــــــها = الحي ينسفها على ميتينــــــــــــــــه
التايه اللي فوق متنه نقلــــــــــــــــــــــــها = بلش بها و بانت عيوبه بحينــــــــه
هو يحسب انه سالمن من جللـــــــــــــــها = ما يدري ان العيب فوقه كمينــــــــه
ترعد و يمطر فوق راسه هللــــــــــــــــها = و أهل العقول الراسخه فاهمينــــــه
هذاك معمي عينه اللي كحلـــــــــــــــــــها = وده يشوف بعين ماهي بعينــــــــــه
و إليا صحى من نومته عقب أكلـــــــــــها = ظلا يصفق في شماله يمينــــــــــــه
الأوله كد غص فيها و تفلــــــــــــــــــــها = و الثانيه تتعترض في جرينـــــــــــه
بيومن اتجازا كل نفس بعملــــــــــــــــــها = أهل العمل يحصون زينه و شينـــــه
يا قلب هذي مسرحيه و ملـــــــــــــــــهى = و اللي يمس حبالها عارفينـــــــــــه
احذر تقول أعطيه كلمة بدلهــــــــــــــــــا = تهين نفسك مثل منته مهينـــــــــــــه
خل الضنون العمي و اقطع جدلـــــــــــها = الضن ما هز العقول الرزينــــــــــــة
و ان شفت بعض الناس كثرت عللهـــــا = عطهم قفى و اخذ احتياط السفينـــــة
مالك دخل بأعمامها و امخولــــــــــــــها = لا امبري الجاحد و لا متهمينـــــــــه
جامل و خل العوج تمشي قبلــــــــــــــها = و افتح لها بابن على مصرعينــــــه
ما دامها ما تلحق الوجه احلـــــــــــــــها = خلك على الشده حبالك متينــــــــــه
اصبر على ميلات ربعك و شلـــــــــــــها = لو إنها أثقل من جبال المدينـــــــــة
جامل عماها مع عورها و حولــــــــــها = و اقنع بنص الحق و إلا ثمينـــــــــه
و إن زادت الدعوة على محتملــــــــــها = و بلشت بالشيطان و مشجعينــــــــه
انزح لراس العالية من جبلــــــــــــــــها = الحر ما يرضى بحياة الغبينــــــــــــة
خل الحمول يثور فيها جملـــــــــــــــــها = و اعبر عليه الدرب مع عابرينــــــه
الله خلق كل النفوس و كفلـــــــــــــــــها = و يزيد بأنعامه على شاكرينـــــــــــه
خلك صدوق و كلمة الحق قلـــــــــــــها = و الله ما خيب رجاء عابدينــــــــــــه

و سلامتكم

كلام جميل
سلمت.

ترعد و يمطر فوق راسه هللــــــــــــــــها = و أهل العقول الراسخه فاهمينــــــه

شاعرنا القدير محمد سماح الغيداني

يااخي والله اشبعتنا شعر وحكمه بهالجزله...

وانت لاتحتاج ثنائي لكن من باب الحق هذا الشعر الذي فيه معنى الجزاله...

تقبل مروري واعجابي شاعرنا القدير...

تسجيل تواجد في منبر الجزاله
صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة تكفيني الذكرى

	كلام جميل سلمت.

شكرا لك على كلامك الطيب ومتابعتك ..

	المشاركة الأصلية كتبت بواسطة محمد هابس

	ترعد و يمطر فوق راسه هللــــــــــــــــها = و أهل العقول الراسخه فاهمينــــــه شاعرنا القدير محمد سماح الغيداني يااخي والله اشبعتنا شعر وحكمه بهالجزله... وانت لاتحتاج ثنائي لكن من باب الحق هذا الشعر الذي فيه معنى الجزاله... تقبل مروري واعجابي شاعرنا القدير...

الاخ العزيز محمد هابس
شهاده اعتز بها .. كيف لا وهي من شاعر غاص بحور الشعر ولايطلع الا بدرة ثمينه
شكراً لك وتقبل تحياتي ..

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لسانك مليون على القصيده والله يـعـطـيـك الـعـافيـــــــــــة بيض الله وجهك

عباره طيبه من انسان طيب
اشكرك على هذا الاطراء وتقبل تحياتي ..

بيومن اتجازا كل نفس بعملــــــــــــــــــها = أهل العمل يحصون زينه و شينـــــه

بيت القصيد هنا لوكلٍ فكر بهذا اليوم كان اكتفى وكفى
صح السانك لاهنت

شاعرنا القدير
ولاهان منطوقك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الكحيلة

	بيومن اتجازا كل نفس بعملــــــــــــــــــها = أهل العمل يحصون زينه و شينـــــه بيت القصيد هنا لوكلٍ فكر بهذا اليوم كان اكتفى وكفى صح السانك لاهنت شاعرنا القدير ولاهان منطوقك

شاعرتنا القديره
لقد احسنتي باختيارك لهذا البيت .. الذي يجمع ما بين عمل الدنيا والاخره
شكراً لك على المتابعه وتقبلي تحياتي