ديوان الشاعر سالم البشري

زهورات سالم البشري=
((( الباقة الأولى )))=
************1************=
تبسّم الحرف بوجودك=وصوّر جميع المشاعر فيك
وابحر هوى قاصد حدودك=كل ماقرب يبتعد شاطيك
************2************=
لو يعلم الود بالخافي=وانه سكن في حنايا الروح
ماكان يرضى بإجحافي=ويسيبني للعنا مجروح
************3************=
ماعاد قلبي يبا تبرير=والروح ملّت متاعبها
الكل منهم يبا تسعير=لاوين اسدد واقاربها
************4************=
أستعذب الشوق واعزّه=لاصار يمّك يوديني
أدراه مااعضاه والزّه=حتى معك مايعنّيني
************5************=
على جدار الزمن خطيت=اسمي واسمك عشان تحس
لكن عيّت معي ياليت=تنبت ويثمر هذاك الغرس
************ 6 ************=
عصف بي الشوق واستحكم=على الحشا وشب لي ناره
واللي فؤادي معه قدّم=باسلوب لومه ومعذاره
************7************=
بالأمس طاير بنا مدّاح=ترسم حروفك مآثرنا
واليوم صاير سهم ذبّاح=طعناته ادمت مشاعرنا
************ 8 ************=
صعب اوصف الشوق والحيره=وصراع الافكار فـي ذاتـي
غيـر انـّي اقـول ماغيـره=يقـدر يخـفـف معانـاتـي
************ 9 ************=
لاياهوى وين عنّي رحت=أشعلت في قلبي الصالي
رغم الألم داخله مابحت=حتى أصبح الكل يرثالي
************10************=
نفحة أمل تلثم أرجائي=أحيت وله فالحشا ساكن
والخوف ادوّر دوى دائي=والقى جواب الصبر لاكن
************11************=
لاياهوى خافقي مجروح=من يوم ودّي رحل واقفى
أقفى وعقّب بقايا روح=ماظنّها بروحته تشفى
************12************=
لو يعرف الود مايقسى=ولاّيتجاهل وفانا أمس
لكن بقلّه قبل ماانسى=الود ماهو كلام وبس
************13************=
ودّي أخفف من آلامه=والله ودّي ولادري كيف
وماودّي أظهر فأيّامه=واروح كِنّي سحابة صيف
************14************=
ياروحي الشّوق يأمرني=ولواعج الود فضّاحه
ياليت يقدر يخبّرني=ويخلّي الرّوح مرتاحه
************15************=
سيّبتني يالغلا مشغول=افكاري تجيب وتودّي
واخاف تخرج عن المعقول=قدّام لا اروق واهدّي
************16************=
ياشوق عذبتني ياشوق=كل قلب نفسه فمحبوبه
وانا لعلمك حبيبي ذوق=زي العسل كلّه عذوبه
************17************=
ماقلت قلبه كذا قاسي=يقوى على الصد والهجران
والله لو قدّر احساسي=ماكان يرضى عليه يهان
************18************=
مالوم قلبك على مافيه=ولالوم قلبي على حبك
هذا الذي كنت متمنيه=أكون ساكن وسط قلبك
************19************=
اللي جعل حيرتي تمتد=قصّر وطّول مسافاتي
كل مابقلبي قرب أبعد=وجدد عليّـه معاناتـي
************20************=
كيف اكسر الحاجز النفسـي=من وسط قلبه وازيل الخوف
حتى الأثر مايجي عكسـي=على الذي مسكنه بالجـوف
************21************=
أحس بشعور ماله وصف=يضفي مع الشوق واللهفة
في يوم كفي يلامس كف=واسمع نغم حب من عزفه
************22************=
ماباخذ العلم أخذ الجد=لوكان مضمونها صوبي
ولاابيع روحي وذاك الود=لوكان تاهت بي دروبي
************23************=
في كل الايام لك ترحيب=في داخل الروح متواجد
وفوقه موده معزه طيب=و الله رب الملا شاهد
************24************=
عساني مااعدمك ياخلّي=يامنيتي ياحياة الـروح
يـاورد يازهـر يافلّـي=يابلسم الخاطر المجروح
************25************=
لاتلومنـي ياهـذاك القلـب=لاكنـت قاسـي فتعبيـري
في وسط روحي حروب تشب=وانا الضحيّـه ولا غيـري
************26************=
أقسم برب العباد أشتاق=كل يوم أكثر من الثاني
للي تمكّن من الأعماق=واحتل قلبي ووجداني
************27************=
من طبعي اشيل هم الناس=ماهو لاجل شي في نفسي
واللي كما حالتي حسّاس=مبحر على طول مايرسي
************28************=
لاتكتب الحرف وتعبّر=ماعاد يبغى لها إيضاح
وفمعالج الجرح بتدبّر=واعزّي القلب فاللي راح
************29************=
شاشه وكيبورد والماوس=استغربت من كثر شوقي
ماتدري إنّك معي جالس=وانّك دمي داخل عروقي
************30************=
الظّن والغيره العميا=أودت بودّي إلى المجهول
وخلّت لنا قلوبنا ظميا=وطال الظما باقي المحصول
*************31************=
يالايمي لاتلوم الناس=يكفيها الارواح مافيها
وارجوك لاتجرح الحسّاس=اللي تجرّع مآسيها
*************32************=
علمتك الأمس ياقلبي=وابديت لك صادق الإحساس
لاتخلّي الوقت يلعبي=واصير لاجلك حديث الناس
*************33************=
اقرأ هنا ماوراء السطر=واهمس لذيك الحروف وقول
لايزعّلك من أهان الشعر=الناس تملك نظر وعقول
*************34************=
ودي اشوفك معي مسرور=ماتقرب الهم والأحزان
منك الحكي يستشف شعور =من غير ماتنطقه بلسان
*************35************=
ياساكن القلب لاتشْقيه=لايشمت الناس في قلبي
مايكفي انّي حفظتك فيه=وانته تبا تزيد من غلبي
*************36************=
استانس البال بوجودك=والروح شعت خلاياها
منها المشاعر تبا ترودك=واشياء يصعب مسمّاها
*************37************=
ماني معاتبك مهما يكون=كافـي علـى الـروح مافيهـا
وان كان ليّه نظر وعيون=بـالــقــى دواهــــــا واداويـــهـــا
*************38************=
انا عشان المحبّه جيت=متلبّس الشوق واتحـراه
ماهـمّـي الـبـعـد مامـلّـيـت=روحي معه دايماً تهواه
************39************=
صعب احصر الشوق ياولفي=مــابــيـــن الاضـــــــلاع واخــبّـــيـــه
ولــــو حــضـــن الايـــــام مـايـكـفــي=لاتــقـــلّـــي الـــقـــلـــب مــايــمــديـــه
************40************=
أبغى شعورك واحاسيسك=عـنــدي تـحـضّــر أبـسـألـهـا
يمـكـن تـجـاوب محابيـسـك=الــلــي بـقــيــدك مسـلـسـلـهـا
************41************=
بين الشفايف توفى حرف=الله مــــن الـصــمــت قـتّــالــه
والسالفـه كـل ابوهـا طـرف=ازرى يـتـرجــم لــــه الـحــالــه
************42************=
حــرام يـاجـارح الإحـسـاس=أدمـيــت قـلـبـي بــــلا ســبّــه
يكفي موفّيك دون الناس=مــاشـــاف مـــنّـــك ولاحـــبّـــه
************43************=
أضناني الصمت مير اعلم=واقـــــع مـحـبـتــك مــايــروحــي
يـبـقــى ويـبـقــى الـعـنــا مــالــم=أبـوح لـك عــن خـفـا روحــي
************44************=
ماعاد نبغى كدر وجنان=نبغى الصفا يعتلي ضيّه
نبغى الذي ينعش الوجدان=ويريّح اعصابنا شويّه
************45************=
من اوّل احسب مكاني فوق=عنده ولي قدر متعلي
من يوم باع الوفا فالسوق=ومبيوع من من من خلي
من يوم قال الغروب شروق=وان كان مايعجبك ولّي
************46************=
ذوق وعذوبه وقلب ابيض=فوق الحلا اوصاف محبوبي
ساكن بقلبي وبه ينبض=واسلوبه موافق اسلوبي
************47************=
ماباخذ العلم اخذ الجد=لوكان مضمونها صوبي
ولاابيع روحي وذاك الود=لوكان تاهت بي دروبي
************48************=
ماني من الناس متجنّي=صادق بنهجي وتفكيري
ولايصغر البوح في ظنّي=محفوظ مايروح من بيري
ولو تسأل الإنس والجنّي=عني وخوفي على غيري
مايقال غير الوفا عني=ياود معجبك تصغيري؟
************49************=
على جدار الزمن تعزف=قيثارةالود وتحاكي
أحلام منها الأمل ينزف=خلّت أسير الهوى باكي
************50************=
ماقصدي اجرحك لوملّي=ولاّ اتلاعب بإحساسك
وتبقى معزتك ياخلي=أقوى من اللي فهوجاسك