ياعاذلي حسبك من اللوم جازفت

،،

ياعاذلي حسبك من اللوم جازفت=ما يحتمل بالظن ... ثلثيه خفوه
خلك بحر ما طافك الشيء طوفت=ولا كل ما يطفو البحر بان طفوه
لو كنت ضيف وفي مضافه ... وضُيِّفت=وأنتَ مقيم وجوب ... وزعه ورَفوه
أو صرت في ديرة أكارم .. وعُنِفت=وأيقنت في من هو معنفك .. جفوة
وصنفت له بالطِيب ، ومن حيث صنفت=تلقى الذي لاحقك ماهو بهفوه
و رَّد البراء تأنف عنه ... ولآ تآنفت=أركا عليك بفصل بَرّدِهْ ودفوُه
هذاك لو إنك عرفت .. وتعارفت=خلي منامك عند الاجواد غفوة
لا تأمنه يرميك عما تخوفت=ويحط فيك أمراً .. ويعجزك نفوه
لكن بالك ترتحل وانت ... ماأنصفت=قبل يبين الوِرّد .. كدرة وصفوة
ترى معازيبك تناقصك لأنكفت=قدام لايُعرف لأحدكم بلفوه
وحِشّمَتْ معازيبك لو انك تكلفت=ولو قَيَّس أمرك , بين باسك وعفوه
لا تِطلِع إمعزبك صبرك .. لو أسرفت=إكرام روحك ؛ حيث ماهو بكفوه
فالضيف يم الضيف مطلق وما شفت=للضيف في سلم المعازيب حِفوه

وسلامتكم

صح الله لسانك
ولاهنت
وسلم فكرك وبنانك
دمت برعاية الله وحفظة

تسجيل تواجد في منبر الجزاله
صح لساانكـ
بيض الله وجهك

لاهنت وصح السانك

تقبل التقدير والاحترام

وفقك الله

صح لسانك اخوي طلال المعبدي
كلام جميل
الله يعطيك العافيه
/
\

إبداع من شااااعر الابداع
ولايستغرب هذا الابداع من شاعر بحجمك
وموهبتك الشعرية .... صح لسانك ملايين
وتقبل تحياتي

صح لسااااانك مليووون وبيض الله وجهك

قصيدة جزله في غاية الروعه والجمال والابداااااع

الله يعطيك العااااافيه دمتم ودام ابداااااااااعك

ودي واحتراااااااامي

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح الله بدنك
ولاتهون
يسعدني حضورك ومرورك الكريم
دمت بخير

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]