كامل مكمل في خلقتكم

السلام عليكم ورحمة وبركاته

كيف أبتدي وارسم الأبيات = اللي تبين معزتـــكـم
في وصفكم تعجز الكلمات = ولا يوفي الشعر في صفتكم
معصوم محمي من الزلات = كامل مكمَل في خلقتكم
في مدحكم أسكب العبرات = لـجــلي مقصر في سنتكم
غايب عن العين والنظرات = و فالقلب دايم محبتكم
نفــداك يا سيـد الأمَـات = ياللـي كـمــا البـدر طـلـتـكم
يا من حباك الولي بصفات=والناس ترجي شفاعتكم
وسخر لك الخلق بالطاعات = وفي بدر بانت مهارتكم
و أوعد وعد للعصاه بالذات =الـلـي تعــمــد مـذمـتـكم
لعنه ونارٍ بها حسرات = والله تكفل بنصرتكم