ديوان الشاعر ( راشد الزهراني ) المحيط

واقلبي اللي رزيمه زاد = ماعاد به للأ لم طاقه
ولا عاد به جهد واستعداد = يقاوم آهات حراقه

الله من الهجر يأمنا = ويصد عنا عذاب الشوق
ولا يبعد احبابنا عنا = أهل الفهم والأدب والذوق

محروم والشوق مايرحم = اتعب فؤادي بعد فرقاك
وقلبي اشتكى البعد واسترحم = وعيني تشوفك هنا وهناك

احرص يسيطر عليك الشك = تراك في يدّك علاجك
ومنهج حياتك عليك ولك = لا ينطفي وسطه سراجك
لا تروح مابين ربط وفك = وتكبر بلاويك واحراجك
يكفيك كثر العند والعك = ترى الأمل فيه مخراجك

الرد من الشاعر الكبير خالد الجدعاني ((البحار))

ذيب المعاني وحايز صك=ونبع الوفا نهل انتاجك
راقي بمعانيك وبحرفك=دايم على العز منهاجك
ماشفت منه ابد مثلك=ياراشد الكل يحتاجك
عالي مقامك ذهب اصلك=كوكب تعليت فأبراجك

[/quote]

طرفي سهر لم ينم ليله = من يوم قفى الحبيب وراح
وانا على نار شعليله = من كثر حراقها ماارتاح

تستسلم الروح والخفاق = لعيون حوراء هدبها مظل
سبحانه الواحد الخلاق = اللي وهبها الحلا والحل

يادمع خلك من شهودي = لا تجف لا سرت لك محتاج
واشهد على هجر مودودي = اللي ذرفتك عليه امواج