ديوان الشاعر ( حفيد الحجيري )

بخيتان=
لاتزيدني فوق مابيه = العيد لو مر بي عادي
ماتلتقي فرحته فيه = العام ودعتها اعيادي

الحجيري=
الصبر ياخـوك له فيّه=في يــوم مـا عنك نشـادي
بالحسنه مبدلّ السيّه=بشرّ هل الصبر بأسعادي

القلب الأبيض=
زرعت بيدي والمسحاه=حتى طلع زرعها فاخر
ولما زرعته وشفت اذراه=اقفيت لايكدر الخاطر

الحجيري=
الزرع من بالزلال أرواه = بمجناه لابد ما يفاخر
واللي حصاده ما نال رضاه = منه السبب فأول و آخر

القلب الابيض=
زرعت لي زرع في مضماه=وكنت اتمنى يجي زاهر
اثر البلا داخله بجواه=مايعالجه لوحضر ناضر

الحجيري=
فاخر حصادك وضامي ماه=الفرق ما بينها باهر
والحر كما قيل من مرباه=الزرع أيضاً من الباذر

القلب الابيض=
اسمع كلامي ولا تنساه=اللاش من رافقه خاسر
اللى وجدنا تبي تلقاه=اقولها لو زعل ناصر

الحجيري=
لا توصّي اللي تعلّى بناه=بنيه مع اهل الوفا عامر
وناصر عزيز المثل والجاه=ما عنه غير الوفا خابر

القلب الابيض=
من باع صاحب على يمناه=هذاك عن الوفا قاصر
دامه صديقك طوينا ارشاره=الله يوفقك ياتاجر

الحجيري=
ما جاك منُّه ومنْك اِشْ جاه=ما خصنّي فيه يا متاجر
وإن سلتني صاحبك تحماه=مهما حصل منه ما تجاهر
اِحفظ من الطيب ما سوّاه=ما أنهدّ قد يبتني باكر
واِحفظ ختاماً ؛ حسن مبداه=مدّ الوفا والوفيّ يامر

الحجوري=
إصفح ياحرفي عن اللي خان= شطرك ومالك ومال الناس
خذ من ورود الحياه الوان = تنطق مع الحِبر للقرطاس

الحجيري=
لكنّ للحرف قلب إنسان=والحبر مضغه من الإحساس
لو يصفح أحيان ، قد أحيان=يثأر كما الزير من جساس

الحجوري=
صفحي بالإحسان جاب لسان = ينطق مع الشاعر الحساس
مافطمّ حروفي على النسيان = لوبرجع لماضي الكراس

الحجيري=
بنيان شيٍّد على سيسان=لو شرخ صابه ما يصل الساس
ما أجمل الصفح والإحسان=في إعادة صياغة الألماس

الحجوري=
ربان يازائر الربان= ومثله لدرّ الصدفّ غطاس
باصفح عنُه واصفع الشيطان = واجلس في صدر المجالس راس

الحجيري=
البحْر يبحر به القبطان=يا مداعب الغصن كالنسناس
يا دوله يا شعب يا سلطان= في كلها الصدر لك مجلاس