1912ترا سوات الغز صعبت اداره محلول حله خليجي نت صح لسانه

ترا سوات الغز صعبت اداره = مايديرها لاغير رجلن خبيري
خبير باالتركيب ورمز الاشاره = يرمز لحل الغز بشين عسيري
وش الذي لاجا يشب ناره = يشب ناره بقلب بنتن سعيري
البنت حيه هي واسمع اخباره = ماتحترك من موقعه ياعشيري

هاذي رمعه ثانيه اذا ماهي بالأوله ان شاء الله تصيب

اللغز واضح بان لي بعتباره =من شاعرٍ موهوب رجلٍ قديري
واللغز حله بيّنٍ من دماره =لا لاح برّاق الحيا وش يصيري
تحرق صواعيقه سوات الشراره =ويضرب على روس الشجر كالشطيري
ياليت والله من يجيب البشاره =ومضرابها في راس كلب النصيري

تحيتي للجميع
العطـاااوي

	المشاركة الأصلية كتبت بواسطة خليجي نت

	ترا سوات الغز صعبت اداره = مايديرها لاغير رجلن خبيري خبير باالتركيب ورمز الاشاره = يرمز لحل الغز بشين عسيري وش الذي لاجا يشب ناره = يشب ناره بقلب بنتن سعيري البنت حيه هي واسمع اخباره = ماتحترك من موقعه ياعشيري هاذي رمعه ثانيه اذا ماهي بالأوله ان شاء الله تصيب اللغز واضح بان لي بعتباره =من شاعرٍ موهوب رجلٍ قديري واللغز حله بيّنٍ من دماره =لا لاح برّاق الحيا وش يصيري تحرق صواعيقه سوات الشراره =ويضرب على روس الشجر كالشطيري ياليت والله من يجيب البشاره =ومضرابها في راس كلب النصيري تحيتي للجميع العطـاااوي

يامرحبابك عد ماتغير غاره = على الدبش نهار ماهو صديري
صكو خلاف الكسب مثل النماره = كم من شجاعن قام صوته يزيري
رعيانها من الخوف ركبو فراره = وجو العرب وانذاع علمن نذيري
ركبو اهلها فوق جلايل مهاره = لاكنهم اخطو مسار المسيري
حلك صحيحن ياالعطاوي مساره = انته حليت الغز لوهو عسيري