ديوان الشاعر ( تلميذ الكسرة )

( يا هل ترى مثلنا تعصين * و يوميـــن باقـــي لنــا الا )
( مالقيت مثلك أنا فالصين * و وصلت لحــــدود ما نيلا )

ليّه سنة أرتكز وآميل = دايــم كـــذا حـــالتي مـايل
مالقيت من قربهم تكميل = الا الهمـوم الذي شايل

لــو تسـتلم جالكـــم إيميل * إيميل مرسـول من ياهو
وإن اكّدوا فالعراوي ميل * لا يفوتك الفورد والتاهو

( للكهربا صمموا توليد *و إخذوا من الطير راداره )
( والغير لا زال في تقليد * اللي كلامــه في منقـاره )

( يا سعد من يمتلك كدلك * شدّة بلد والعيون وساع )
( ما تعلـم إن المقرر لك * ثلاث تبقـــى لكـــم لساع )

حتى متى ينشغل بالغير = وإحنـا نداريــــه و نرقّـــــع
مهما إعتلى في سماه الطير = لا بد لـــه يوم و يوقّـع

( قلبي رهنته بعد ما شفت * و ما عاد له عندنا فاقه )
( عيّا معي لا يلين الزفت * ما يرجــع الا بإخفــــاقه )

( لي دمع عيّا عنه لا يكف * وإليا وقف منتظـــر جمّـــه )
( مافــاد صبري وقولة أف * والمسك معلوم من دمّـــه )

( يا هل ترى نتجـه للبنك * دام الدّيـه داينــه و مدين )
( ماتلقى اللي يسدّد عنك * وآشوفها نقرزة و تمدين )

ما بين المشتري وسهيل = صدفــه لقيته وحياني
قـدّم لنا بنّهـم والهيل = وجاب الصحن رز برياني