ديوان الشاعر ( تلميذ الكسرة )

يوم إلتقينا ف بحــــــر الود * وبحــــر الهـوى داخله مفقود
كنت أحسب إني خصيم و ند * وإنه فقلبــــــــي لهب و وقود

كل مـا أفتكـر فـي ليالـي الأمـس * يــهــزنـــي الـــشــــوق لـلــمـــاضــي
واللي مضى مع غروب الشمس * بـــكـــرة اعــــــوّد عـــنــــه راضــــي

( يا ليت دينـــــه على دينــــي * و يعطف ف لحظـة لنا و يروف )
( ضيّـعت العمـــــر و سنينــي * فكـــثر التــــأوه و قولــــة أوف )

( رعشة فؤاده كما الزلزال * و فوق المقــــاييس مقداره )
( واللي في قلبه لهم منزال * مـا همــهــــم تنهـــــدم داره )

من شانهم عمهم حبّيت * وأدرأ على الخال واعونه
وقدت الأبو لأجلهم للبيت * وصرت آتلهّـأ مع اخوانه

( احلامنا وصلت المرّيخ * و طافت على كوكب الزهرة )
( بالوقت واليوم والتاريخ * قلنــا نلاقيــــك يا مهــــــرة )

( ياليت لي صندقة فالخـــــور * وعندي مـرة وأمتلك لي عنز )
(وأبغى دوى عظمي المنخور *يا من بقربــــــه يعــــــادل كنز )

( لو تفتكــــر يا عديل الروح * ذيك الجــــــروح التي قــدمي )
( ما ظنهـــــــا تلتئـم و تروح * وإن كان فاليــــــوم ما تدمي )

( يا من في قربـــــه يسلّيني * وليا إبتعــــد للفــــؤاد يكيد )
( يـــــاليت ربي يولّيــــــــــني * ومن عينكم أظهر التنكيد )

( ياليتني في ســماكم طير * وإنت معي فالسـما طـاير )
( يالله معي يا خوي الخير * بأحـــلى تبــاريك وبشـاير )
( ما نوقّع الا مسا وعصير * في منطقــة ما بهـا زاير )
( ما نفتكـــر مثلنــا والغير * وما همّنا القيل والسـاير )