ندبت قافٍ للصحيح يتحراّ

	المشاركة الأصلية كتبت بواسطة نافع الحربي

	ندبت قافٍ للصحيح يتحراّ ندبت قافٍ للصحيح يتحراّ = قافٍ يهجرس بالمعاني لحونه كنه رفيف البرق بنصوب غراّ = غراّ لبس ربانها من فنونه يوم النديم بواجبي ماستقراّ = عيّت ضعوني لاتباري ضعونه اقفت به الدنيا على متون عراّ = مع غيهبٍ بالليل تعزف جنونه حتّيش لو انه شجاعٍ مضراّ = في لازمي ماورّدنّه شطونه وجر قلبي من عراويه جراّ = جر الهشيم اللي تقصّف مزونه هشيم سدٍ فوقه المي قراّ = حتى انثلم حبسه وذابت متونه يفر مابوجهه من الارض فراّ = مع واديٍ سيله تجاوز ركونه على رجالٍ من نجوم المجراّ = فيهم ثقيل الدين يوفي ديونه مرّوا كما مزنٍّ مع الوسم مراّ = من غب سيله مبرضاتٍ غصونه نوٍّ سحابه من ربابه تبراّ = يفوح وبله من مثاني ردونه من جرّب الأيام حالي ومراّ = يملى من النوم المقرر جفونه ماكل شرهات الهقاوي تسراّ = ولا كل جفنٍ يبصر الحق نونه شكواك للي مايودك مغراّ = ورجواك للعدوان ذل ومهونة ثوبٍ على غير الحقيقة ايزراّ = مايلّبس لو لون الألماس لونه نقيت من كي الهواجيس دراّ = شعرٍ بشيمات العرب يذكرونه شاب الزمان وجاير الوقت كراّ = والدرب حر القيض يبّس شنونه حطيت من دونه مجاهيم حراّ = حماّ قراها كنه الليل دونه رقيت في راس الطويل المذراّ = وجنيت من لب الشوارد عيونه ومدام راس العز للعز براّ = في قدرة الله شيمته ماتخونه

ماكل شرهات الهقاوي تسراّ = ولا كل جفنٍ يبصر الحق نونه
شكواك للي مايودك مغراّ = ورجواك للعدوان ذل ومهونة
بيوت خالدة والقصيدة قمة المعنى والحكمة
هنا جزالة تستحق التقييم

صح السانك وسلم بيانك
اديبنا وشاعرنا الكبير
نافع الحربي

	المشاركة الأصلية كتبت بواسطة الكحيلة

	ماكل شرهات الهقاوي تسراّ = ولا كل جفنٍ يبصر الحق نونه شكواك للي مايودك مغراّ = ورجواك للعدوان ذل ومهونة بيوت خالدة والقصيدة قمة المعنى والحكمة هنا جزالة تستحق التقييم صح السانك وسلم بيانك اديبنا وشاعرنا الكبير نافع الحربي

شاعرتنا الموقرة الكحيلة
صح بدنك ولاعليك زود ياخت الرجال
لك وافر التقدير :