ديوان الشاعر ( حفيد الحجيري )

فيده بكت ، واصرخت عسفان=صرخه صداها سكن جده
تنعي ولد نوري الإنسان=اللي فأهلها سكن وده

الموت كل يوم له سيره=سيفه ما بقا ولا خلا
لكن ما يبان تأثيره=إلا على الحر لأنسلا

بان الزعل في عيونك بان=ياللي من الحق ما تزعل
ابشر بنرضيك يالزعلان=لكن على رضاك لا تعجل

ما دمت منته من العرّاف=ومازِلت طالب مع مدرسّ
ليه اِتجرأ وتنقد قاف ؟؟=ما ينقده غير متمرسّ !!

مواقع الحرف مملوءه=شعار تبحث للقمة عيش
ينبئ عن الشاعر هدوءه=وترفعه عن حروف الطيش

صقر المراقيب=
له ماركه مابها حقران=وخذ كلمه بعالي الصوتا
تنبط كبدي من النيسان=يوم ايتقارن بتايوتا
الحجيري=
أخوات ولكل وحده شان=ويا حظ باخت بمبخوتا
والموتر اللي من اليابان=لِن كنت شرّاي لا يفوتا

خالد بن عبيد الاحمدي=
يابو علي صار لي موقف=مع شاعر الوزن والمعنى
ارسلت ماكنـت متلقّـف=ومن دون لايردّ ودّعنا
حسن علي البشري=
خذ رقم وسط السرا وأوقف=وإن طولّ سـراك راجعنـا
مرسولكم ما نقلّه . قـف=بّعّد ما بينّـت وش تعنـا
خالد عبيد الاحمدي=
خابرك رجّال متثقّف=واحنا لنا عرف رافعنا
لنا ذرا دار متسقّف=والحق منهاج نافعنا
الحجيري=
حنّا على العهد يا مثقف=ومثلك ما يجهل مواقعنا
ونعمين فيكم هل الماقف=ما نذمكم يا ربايعنا

خالـد بـن عبيـد الاحمـدي =
حفل اعتزالـه عليـه اخـلاف=وبه غيره اولى وقـدره فـوق
ولا نقصد اقصور فـي نـوّاف=لاكن ماهـو بمثـل اصفـوق
حـسـن عـلـي البـشـري=
وجهة نظر تحتـرم وتضـاف=رايـك وللنـاس رأي و ذوق
وان قلت برقا سيوف ارهـاف=غيرك يبا يقول لا لا ... روق
خالـد بـن عبيـد الاحمـدي=
لجلي بنرفـزك جبـت القـاف=وانا اعرف انك كفو واتفـوق
ولا يلحقـك شـكّ والميقـاف=اعلم تـرى نحتريـه بشـوق
حـسـن عـلـي البـشـري=
لا تخاف ، عمر الأسد ما يخاف=والله خلـق فالرجـال فـروق
كـم حاولـوا نرفـزة صيّـاف=واستاقهـم فالملاعـب سـوق
خالـد بـن عبيـد الاحمـدي=
ماخاف ولا يصيبنـي رجّـاف=ولاقـول هيّـن ولاكـن فـوق
ياسهل منتـه كمـا المشـراف=روّق وخـل العبـاد اتــروق
حـسـن عـلـي البـشـري =
وهّقك عرفـك مـع العـرّاف=والطفقـه توهّـق المطـفـوق
لو في نظـرك الثقـال اخفـاف=الحق مـا يرضـي المحقـوق
خالـد بـن عبيـد الاحمـدي=
كلاً شهـد بالعيـون واشـاف=لي عرف فاقك بـذوق ولـوق
واصدرت حكمي عدل وانصاف=ولاني بسـارق ولا مسـروق
حسن علي البشري=
حرفك فراش لحروف لحاف=فالعرف مالك معانا سـوق
وختامها فآخر المحـراف=مركزك فقلوبنـا مرمـوق

الحجيري=
ما دُمت يابو محمد حي=لازال للحرف .. مُتْنفس
وإن غبت ما عاد بعدك .. شي=من أجله .. الحرف يتنفس

الحجوري=
اجمل معاني حروف الضيّ = اشوفها فيك وأتونس
وازيد ريّ المعاني ريّ = ونسيمها العذب لا نسنس

الحجيري=
ماني بشرايّ بايعني=لكنّ لي قلب كيف أنهاه ؟؟
عيّا في صدّه يطاوعني=يا برنس ؛؛ رغم الذي سوّاه !!!
الحجوري=
مادام امير الجسد معنِي = إحساسه ادرى بمن يهواه
في رغبته لاتراجعني = قُل للفؤاد المود انساه