ديوان الشاعر ( حفيد الحجيري )

حسـن علـي البـشـري =
بعد المطر في ديارك هـل=غشتك يا خالـد الرحمـه
حبيت أذكرك ؛ وعدك حل=لا يكون تنسـاه فالزحمـه
خالد بن عبيـد الاحمـدي =
يسقي كم الله مطر لا طـلّ=وكل شي ياصاحبي قسمـه
صاحبك في ماقفه مااختـلّ=لاجيت تبشر لـك بدسمـه
حسـن علـي البـشـري=
من فضله اللي جلاله جـل=عمّ الديّـر كلهـا وسمـه
وتكسيَّك إن كانـه اِتعطّـل=معذور والحر لـه فإسمـه
خالد بن عبيـد الاحمـدي=
معلوم كلّ الضـوام اتعـلّ=من فضل من ينزل النّعمه
والتّكسّ شغّـال والافضـل=جيّتك..ليّـه بهـا حكمـه
حسـن علـي البـشـري=
اللي عطى النوق يعطَ البلّ=والنوق والبلّ فـي حُكمـه
وإن تـم ميعـادنـا الأول=اِبشر على الطيب والحشمه
خالد بن عبيد الاحمدي=
يازينها مع بعض تكمل=هذي تجي بذيك ملتحمه
ابلشتنا ياخفيف الظّل=الله لايعيدها زكّمه
اللي مضى كنت مستعجل=يوم انت ورطان فالازمه
وصاحبك شافك بوضع اجمل=بيصيد ثنتين في سهمه