ديوان الشاعر ( راشد الزهراني ) المحيط

صاب الهوى قلبي المتلف = اللي تعذب من ازمانه
واصبحت بملاوعه مكلف = واسهر ليالي على شانه

مجروح من ذكريات الأمس = اللي لها وقع في ذاتي
وتذكارها لا لمسني لمس = اتعب وتكبر معاناتي

حمامة الروض شاجتني = وطربت من صوتها الشادي
ونحو الأحاسيس قادتني = باسلوب راقي سلس هادي
ومن اجمل الحانها اهدتني = وذكرتني هوى الوادي
وذكراه بالحال ردتني = لعهد الصبا وفجر ميلادي

ياورد غصنك تمايل فيك = وفوقه البلبل الشادي
ياورد من هجرنا يكفيك = يسد بعدي عن بلادي

جيت اسأل الناس عن حالك = لقيتهم يسألوني عنك
يامن تغليت بسؤالك = وش غير الود في معدنك

تابع معي نص موضوعي = اللي رسمته معك باخلاص
ارجوك لا تطفي شموعي = وسنين ودي تروح رخاص

ماكان طبعي غزير الدمع = واليوم دمعي نهر يجري
من يوم اطفوا هذاك الشمع = وفي بعدهم قرروا هجري

نتائج الغيب مجهوله = الظن يخطي بها ويصيب
لكنها النفس مسؤله = حتى لو ان الضمير يغيب

يابو ثمان كما البراق = اللي نشوفه على مزونه
دايم على شوفتك مشتاق = وروحي ترى فيك مفتونه

انا معك دائما وافي = وانتا مقصر معي وتلوم
ارجوك يا جارحي كافي = ترى الجفا صحبته ما تدوم