سالم العرم.. اهل المصالح

	المشاركة الأصلية كتبت بواسطة سالم العرم

	الرفقه اللي ما تجي غير لفلوس =الله يلعنها ويلعن جدفها اهل المصالح دوسها بالقدم دوس = عارن على عرفك لصار يعرفها تشبه جرادن جمعه ضوء فانوس = بهايمن ما همها إلا علفها ياغافلن عن كل طاله وناموس =ترى حياتك ما تحقق هدفها لا تغرك الدنيا تراها كما الموس =لو عشتك يمكن بموتك طرفها ياراعي الطرقه ترى الدرب معكوس = عد طرقتك لو كنت في منتصفها كم واحدن عالج سنونه من السوس = بعد استخار الله قام وحذفها ومن لا يهوجس له على الطيب هاجوس = تراه ما عاش الحياة وشرفها ورجال ما ياخذ من ايامه دروس = مسرج بصلفات المهار وعسفها يعيش دنفوسن وابا يموت دنفوس = ويحسب من رجالن قليلن خلفها

الله الله

شاعرنا المعروف والشاعر الحقيقي صاحب الشعر الحقيقي \سالم العرم


صح لسانك مدد بلا عدد وانت غني عن اي شهادة ومستواك بفوق ويتميز وقصيدك مستمد من الواقع وليس من الخيال وهذا الشعر

واننتظر جديدك بشغف وسجل اعجابي بما تجود به قريحتك

تحياتي العطره

اهل المصالح دوسها بالقدم دوس = عارن على عرفك لصار يعرفها

تشبه جرادن جمعه ضوء فانوس = بهايمن ما همها إلا علفها

يعيش دنفوسن وابا يموت دنفوس = ويحسب من رجالن قليلن خلفها

ياكثرهم هولاء يابو خالد ويستاهلون ماقلته فيهم .