ديوان الشاعر ( راشد الزهراني ) المحيط

اخايل البرق بمزونه = اللي تلامع جنوب وشام
واشاهد الود بعيونه = يبرق ويرسل علىّ سهام
والوصل محجوب من دونه = مبعد ولالي عليه ليام
لكنها الروح مجنونه = لعل من لامها ينلام
ولا يلجلج النوم بعيونه = ومثلي يذوق السهر ماينام
يناجي الليل وسكونه = لا عطف يلقى ولا استرحام

دمعة فرح شفتها في عين = تناثرت من فرحها دموع
مع زينها زودتها زين = وتوقدت فالجبين شموع

يامن يخبر خلى البال = عن الذي سار في حالي
يمكن يقف دمعي الهلال = اللي ذرفته على الغالي

البدع من امير الكسرة ناصر الحجوري=
يامن في رد المثل بارع = وفنقض فتل المثل مشهور
لو كان حرف المثل ضايع = بحرفك تجيبه مابين سطور
يرضيك ياراشد القاطع = للقصر يبغى يهد السور
واقف وعينه على الشارع = اللي منه يدخل الجمهور
الرد من راشد الزهراني ((المحيط))=
يامن برسم المثل رائع = ولك نهج واضح ولك دستور
الحرف يمشي معك طائع = وتسيره في بحر وبرور
امثالكم يطعم الجائع = اما العدو يجعله مدحور
واللي مابين البشر شائع = راعي الحسد دائما مثبور

صاب الهوى قلبي المتلف = اللي تعذب من ازمانه
واصبحت بملاوعه مكلف = واسهر ليالي على شانه

مجروح من ذكريات الأمس = اللي لها وقع في ذاتي
وتذكارها لا لمسني لمس = اتعب وتكبر معاناتي

حمامة الروض شاجتني = وطربت من صوتها الشادي
ونحو الأحاسيس قادتني = باسلوب راقي سلس هادي
ومن اجمل الحانها اهدتني = وذكرتني هوى الوادي
وذكراه بالحال ردتني = لعهد الصبا وفجر ميلادي