ديوان الشاعر الصييفي

خمس حاجات

يا ما حلا القومة مع الصبح بكِّير= لا صرت نايم ثم شبعان نوم(ي)
وحدة تصلي ثم تكثر تذاكير= و تخلي رقاد(ن) حصاده حلوم(ي)
لا تقعد بمرقدك نايم لك شخير= دور على رزقك بكل التخوم(ي)
والثانية تستمتع بنغمة الطير= اللي لحونه يبعدن الهموم(ي)
تشوف بعيونك نشاط العصافير=كل(ن) على وجهه لرزقه يهوم(ي)
و الثالثة ما تستمع للمزامير= على الفضائيات يا ابن القروم(ي)
حتيش لو ترصد علوم المشاهير= اللي منِ ادروب الصلاح محرم(ي)
و الرابعة مافيه ناس(ن) مساطير= تزعجك في الدرب الفسيح العمومي
الى مشى بالدرب يركي على القير= ويخلي سياج السريعة ثلوم(ي)
و الخامسة تاخذ نصيبك من الخير= ويصير قسمك من كبير السهوم(ي)
من يتعب لرزقه تجي عيشته غير= ويصبح على درب المراجل عزوم(ي)