ديوان الشاعر ( راشد الزهراني ) المحيط

ناصر الحجوري=
ليه العواذل وحسادي = يحاربوني ياحرفي فيك
ماودهم تكتب ودادي = ولا ودهم يبتهج قاريك
الرد من راشد الزهراني ((المحيط))=
عذب المثل ورده النادي = معناه ياكاتبه يكفيك
وأهل الحسد طبعهم عادي = عن طيب الأمثال مايثنيك

الشاعر الكبير ابو حسين=
اشوف راشد هنا موجود = يامرحبا ياهلا مليار
اللي من اهل الشعر معدود = وللطيبه دائما يختار
الرد من راشد الزهراني ((المحيط))=
فيك البقى ياسليل الجود = ياراعي الطيب والمقدار
ترحيب ماله عدد وحدود = باهل الوفا اصحابنا الاخيار

البدع يحيى السناني=
وينك ياراشد من البـارح=ماشفت حرفك عساك بخير
مشغلني والفكر بك سارح=يبغى عن غيابكم تقريـر
الرد راشد الزهراني ((المحيط))=
انا عن الماد ما بارح = في وجهة الطيبين أسير
لكن وصلني خبر جارح = حتى جبرني على التأخير

راشد الزهراني ((المحيط))=
لـي فـي جنـوب الـوطـن احـبـاب = اخيـلهـم دوم فـي عيـونـي
والشـوق حـاظـر مـعـي مـاغـاب = وش حـيلتـي لـوتنـاسـونـي
ابو سالم الرحال=
ماينسى طيب الأنساب = وعند المودين مايهونى
مهما تناحت به الأسباب = يبقى مقدر ومصيونى
راشد الزهراني ((المحيط))=
الشوق مالي عنه مجناب = وكثر البطا حرك اشجوني
وطرفي عليه السهر حراب = والشوف محجوب من دوني
ابو سالم الرحال=
مايلام بالشوق كل حضاب = يعبر عن إحساس مكنونى
قبلك عن الدار سرنا اغراب = وللعيشه البعد قانونى

رحلة عنا خطها مكتوب = حتم علىّ الزمان امشيه
لوكان مالي منه مكسوب = غير الأمل بالحياة ارعيه

نجم السما الخالق معليه = ومنازله حيل علويه
اسهر معه ليل واناجيه = باسرار قلبي وما بيه
وعليه هجر الحبيب اشكيه = اللي له اليوم حوليه
ولا عاد اشوفه ولا راعيه = ولا ادري وش اخلف له النيه

روحي جرحها عديم احساس = وعكر صفا جوها كله
آسي ويرضى علىّ البأس = من سؤ طبعه ومن غله