( سلام وابغى سرور بريك ) ..إلى الجبل / سرور البشري

خالد بن عبيـد الاحمـدي =
سلام وابغى سرور بريـك=ياخذ ويعطي معي بالقـاف
نرقى ونسمو عن التشكيك=والصّيف يدري به الصّياف
سرور بن بريـك البشـري =
يامرحـبـا والله يحيـيـك=بعداد مانسنـس الغريـاف
واعلم ترى سرور متحريك=قود المثل والقلوب نظـاف
خالد بن عبيـد الاحمـدي=
تسلم عسى الله لنا يبقيـك=ياطيّب الطبـع والميـلاف
وياسرور لو بسمع بهاجيك=لمدحك عنّده مديح اشراف
سرور بن بريـك البشـري=
عساك سالم ماشرّ يجيـك=يامن بكم تعجز الأوصـاف
ويالأحمدي ذا عشمنا فيـك=دايم مع الحق لك ميقـاف
خالد بن عبيـد الاحمـدي =
انصت ولا تقاطع امحاكيك=لاصار منكم يدور انصـاف
ابطلب الحـقّ ومابخفيـك=من شخص طيّب ولا ينعاف
سرور بن بريـك البشـري=
عطني علومك وانا موحيك=والبينه ماعليهـا لحـاف
إن كنت محقوق باخطيـك=وإن كان لك حق فالمشراف
خالد بن عبيد الاحمدي=
القيل جبته نظم يرضيك=منبعه نيّة وفي مضياف
لاكن صديقك عجل وفذيك=فسّر كلامي بخلف اخلاف