ديوان احمد بن عاقل الغانمى

ابن عاقل=
سلام لأهل المعاني حـار=في ساحة الشعر والمعنى
وما دمت واحد من السمّار=نبغى معك قاف يجمعنـا
مـاجــد أبـومـديـده =
ترحيب عن جملة الشعّار=للـي يردنـا منابعـنـا
وإنته مخيّر فمـا تختـار=ما دام يطربـك طالعنـا
ابن عاقل=
عسى البقا يا العزيز البار=يا اللي بالأمثـال تمتعنـا
ياما شكينا معـه أمـرار=والحـظ عيّـا يطاوعنـا
مـاجــد أبـومـديـده =
البِر مخلوف في الأبـرار=ومعهم للأسباب سارعنـا
ولو في حلاوه بليـا نـار=حظوظـنـا ماتمانِعـنـا
ابن عاقل=
مشيي معه بالمثل سنجار=ومشيه كذا يالمثل معنـا
واليوم قفى بدون أعـذار=وش يجبره بعد ما تعنـا
مـاجــد أبـومـديـده =
إنتوا تقاسمتوا المشـوار=وإستمتع الكُـل وإتمعنـا
لايكون في رجعتُه معـذار=ويقنعـك قـدام تِقنعـنـا
ابن عاقل=
اخاف مع سابق الإصرار=قفـى ولا عـاد يسمعنـا
والوقت من عادته غـدار=ضيّـع دليلـه وضيّعنـا
مـاجــد أبـومـديـده =
ابن عاقل=
طال الهجر والدليل إحتار=عليـه تـذرف مدامعنـا
نسهر مع الشوق والأفكار=وزادت علينـا مواجعنـا
مـاجــد أبـومـديـده =
عقب الدراسه والإستفسار=ومـن تجربتنـا لواقِعنـا
أقول حبل السعو هـودار=ياصـل بنـا لامطامِعنـا

ما ينفع اليـوم بالدنيـا=غير المنافق وأبو شرّين
هـذا يتبلـواك بالعنيـا=وهذاك يلعب على الحبلين

حميد البلادي=
الصدفه اللـي بـلا ميعـاد=أخير مـن وعـد مانوفيـه
سـلام مثـل الحيـا ينقـاد=والخير يا اصحابنـا قافيـه
إبن عاقل=
أجمـل تراحيـب بالأجـواد=معلن على الكل مـا نخفيـه
والبارق اللـي معـه رعـاد=لا بـد مايتضـح صافـيـه
البلادي=
تبقون وأنتـم مـن الـرواد=حاضر ويبنى على ماضيـه
لو يجمع النـاس ملـح وزاد=وش قلت لي فالـذي ناسيـه
ابن عاقل=
درب الوفا يالكريـم جهـاد=ومثلك انـا بالمثـل شاكيـه
أقفى عليـه الثيـاب جـداد=ويخطي على الناس ونخطيه
البلادي=
انا فشـرح المعانـي جـاد=ابفصـد الجـرح وأكـويـه
وأنته تجمل وحـط ضمـاد=لاتدري الناس عـن خافيـه
ابن عاقل=
انـا معـك مجتهـد فالمـاد=لو كان ابـو زيـد بداويـه
للحق عندي سيـوف حـداد=ومن باع بالكوم ما نشريـه
البلادي=
حريـة الـراي يالاسـتـاد=مصـادره والعقـول تتـيـه
ولوكنت واضح مع الأضداد=تشمت بك الناس فيـه وفيـه
ابن عاقل=
عطني على المشكله إسنـاد=بناقـش الوضـع واصفّيـه
وإن كان راحت صلف وعناد=بيشوف له شي ما يرضيـه
البلادي=
يقـول خلـك معـي سـداد=وكـل مـا تمنيـت بتلاقيـه
وأنا أجتهد وأدرس الأبعـاد=لكـن جهـدي هبـا يرميـه
ابن عاقل=
ما يجوز ياخذ أجـر كـداد=من خوف رب المـلا يبليـه
أكيد حاسـد مـن الحسـاد=يفـرّغـه يــوم ويعبـيـه
البلادي=
أصـم وأبكـم لقـي نشـاد=لو يرفع الصوت ما يوحيـه
يوخر النون حـرف الضـاد=ويبني علـى شـي متوريـه
ابن عاقل=

احمد ابن عاقل=
سلام ثابت علـى مبـداه=للكـل فالمنتـدى مـنـي
اجمل من الورد في مثبـاه=من قلب عاشق ومتعنـي
وين الذي يستمع شكـواه=ويرد ظلم الهوى عنـي
إن قلت قابل يجيب لغـاه=وألا الحجوري حسب ظني
نـاصـر الـحـجـوري =
يامرحبـا بالـذي معنـاه=يزهم على نـاس ويغنـي
حرفه يجيب الـذي يبغـاه=وقـوة معانيـه جابنـي
الود هجـر وصـدود وآه=ما اذكر أحد فيه متهنـي
حتى الحبيب الذي تهـواه=يعيـش الايـام متمـنـي
ابن عاقل=
تدوم والليل فـي مسـراه=خيّم على الوضـع لكنـي
مستقدي النجم فالمجـراه=لو صار عنده خلـل فنـي
وأمثالك الظلم ما يرضـاه=ولا يجيزه العرف والقنـي
وأنته مأمن على دعـواه=في محكمة حكمها سنـي

ابن عاقل=
سلام ثابت علـى مبـداه=للكـل فالمنتـدى مـنـي
اجمل من الورد في مثبـاه=من قلب عاشق ومتعنـي
وين الذي يستمع شكـواه=ويرد ظلم الهـوى عنـي
إن قلت قابل يجيب لغـاه=وألا الحجوري حسب ظني
قـابــل الـبـشــري=
ترحيب شامخ عزيز بنـاه=من هاجس بالوفـا دنـي
من قلب يفرح بمن هوجاه=قاصدوعانـي ومتعـنـي
ولوكان لاهل الغرام قضاه=تحكم على كـل متجنـي
كان انصفوا قيس من ليلاه=وبعد التعب صار متهنـي
ابن عاقل=
دايم رفيف السحاب فمـاه=منضود ورشه على الفني
آهيم لا عشت في ذكـراه=يا معشر الأنس والجنـي
وما دام سيطر فكل عضاه=وارتد له كـل مـا منـي
يجوز هـذا الـذي سـواه=ما يرّق للحـال ويحنـي
قـابــل الـبـشــري =
وش غير الود عن مجراه=جاوب قبل عنه تسألنـي
دور واصل السبب تلقـاه=لاتقول عمـدا تجاهلنـي
اما فدرب العـوازل تـاه=ولاالسبـب منـك يافنـي
ولانسي والـدوا تنسـاه=لاعـاد تامـل وتستنـي
ابن عاقل=
حررت لك حرف في أعلاه=وظلـم الموديـن لاعنـي
ياواسع المعرفـة والجـاه=ساجـي معانيـك حدّنـي
والحاكم اللي على يمنـاه=يصدر قوانيـن ويسنـي
صدّق معاه الحكم وإمضاه=بعـد إإتمنتـه وآمـنـى

ابن عاقل=
يـا مـرحبا والـليالي نـور=بوجـودكم نـوها عـالي
مـن خافق باللقاء مسرور =بحضوركم زانت أحوالي
قميش القريقري=
تبقى ياراع الوفـا مشكور=اقـولها مـن سـعـت بـالي
لـعـل هــذا القـصر معمور=يـبقى علي طول الاجيالي
ابن عاقل=
ياقميش ميقافكم مخبور=فـيما مـضى والـذي تـالي
قلبي أنا طب سبع بحور=والآن فـي كـف مـحـتـالي
قــــمـــيـــش=
اصـبر لابـد الزمان يـدور=ويـبـدل الــمــر بـالحـالي
واستعبرالدرس يادكـتور =ولا تـقــول ذا حـد ميصالي
ابن عاقل=
صبرت يوم الصبر مذكور=عـنــد الـعــرب طب للحالي
مـافادني في محيط الجور=صبري عـلي مـرالاهــوالي
قــــمـــيـــش=
اصـغي لنا ياعميد الشـور=افـديه بـالــحــال والـمـالي
وانكان شطب لهم لاتـزور=ومن لاسـأل عـنـك لاتسالي

ابن عاقل=
سلام وافي بدون قصور=عليـك نلقـي تحياتـه
حسب القوانين والدستور=ينصى هلا القيل وثقاتـه
ناصر الحجوري=
مادام قن المثـل مذكـور=وماشي على ساير ولاتـه
ترحيب فيه الوفاء مسطور=وطيب النبأ معطر ابياتـه
ابن عاقل=
دايم ومنك الوفـا مخبـور=لاشك فـي صـدق نياتـه
وبعد اطلاعك على المنشور=نبغاك تسعى على اثباتـه
الحجوري=
باقي عليها السطور سطور=والقيـل فـاول ملفـاتـه
إن كان تبغى الحوار يدور=اللي في كِن الخفاء هاتـه
ابن عاقل=
غدر الخناجر من الماثور=يسلب من الب غاياتـه
يستعـذب الاه يادكتـور=في نبض قلبي ودقاتـه
الحجوري=
شمع المودين نار ونـور=يضؤي سناء ويحرِق فذاته
والعاشق أبلا من المسحور=لو ننصحه يزيد فسواتـه

سلّم بالأشواق وإسترسل=قلبٍ عليه الغرام يطوف
والزين من قال ما يكمل=ينظر بعين الغلا ويشوف

سافر والاشواق خلاها=متفجره داخل الاعماق
ودموع الاعيان وبكاها=ماخففت لوعه المشتاق