ياليل استر

	المشاركة الأصلية كتبت بواسطة محمد سعد اليوبي

	، مشاركة عسى أن تحوز على رضاكم ، ياليل استر مابقى منك ياليل=ياليل استر طالعات النجومي الناس تفرح بالنجوم المقابيل=وأنا بلايه مخلفات العلومي آمنت عيني في بلا وقتها حيل=حتى سقتني من سحايب همومي أغض طرفي لابدا طالع سهيل=ولا بان لي بدر الدجى طار نومي أصبح مع النجمة على ريحة الهيل=وأسج فكري في بقايا حلومي وأعود بالهاجوس وآحط وآشيل=وأجر عالي الصوت من ضيق يومي ضاعت بي الحيلة ولا عاد بي حيل=حتى أنكرت حالي عليه هدومي أروي غصونٍ من قراحٍ كما السيل=وأنا كما غصنٍ من الريح يومي الحمل زاد .. وزوَّد الهم بالحيل=طرفٍ مرومٍ من حمايم ترومي تِلْبِسْني الضحكة وأنا أكابد الويل=من جور وقتي والدواير تحومي هذا وأنا من لابةٍ توفي الكيل=وسهمي مع أهل العرف يبرى السهومي إليا دعاني صوت أسابق الخيل=وأبرك لحمل الكايدة في اللزومي لكن ترى ياليل يكفي من الميل=لا تقول ما قد قال ذخر القرومي ياليل استر مابقى منك ياليل=ياليل استر طالعات النجومي ، وسلامتكم

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي