ديوان الشاعر(علي بن عيد البشري)

ياقلب مالك ومالك فيه = عن ود مثله خلاص اقنع
انته عطيت الذي يكفيه = لجل ايش لك الوصل يمنع ا

4ذالحجه 1432

بخيتان البشري. بالجوال=
ايام سته بقيت تحديد = للعيد ماللفرح ظاهر
استكثروا ياعلي بن عيد = كلمه لنا تشرح الخاطر
ابوعيد=
الباقيه جعلها ماتزيد = تكدير خاطرك فالصادر
وتلقاه وارد نهار العيد = فيه الفرح عكس ماغادر ا

صدق 0 إلاشفتني بضحك = ماهي حقيقه 0مصنعها
اضحك0وفي خافقي جرحك = كل المآسي مجمعها

اخذني الحزن فحظانه = والحض عيا معي يمشي
اللي تغربلت من شانه = قلي يابن عيد مالك شي

لك خالص الود يا غالي = يللي. غلاوتك. فالشريان
في ظامرب منزلك عالي = وفي ظامرك منزلي مابان

قليل وقتي مع الاحباب = والحظ ما حاز مطلوبه
صحيح لاغابت الاسباب = زادت آسى روح مغلوبه

انا زماني كواني كي = ذقت الحلى فيه والعلقم
ولليوم مازلت باقي حي = بالرغم من طوقها المحكم

لوكان دمعك يعود دم = ماتفيد ياطرفي العبرات
لاعاد فاللي مضى تندم = مافات ماترده الحسرات

ابوعيد=
العرف له ناس وقياده = للمعرفه تقود ماتنقاد
وتورد الحق ميراده = والصايبه ماتبا شهاد
ابومحمد=
للقن بين العرب قـاده = تنقد وتبعد عن المنقاد
لهل المحاصيل نقاده = وتفـقّد اللي لها فقّاد
ابوعيد=
لاشك من يجهل اسياده = هذاك للمعرفه ماجاد
والحاصل اليوم ياساده = جاهل ينصب من الرواد
ابومحمد=
يبقى ولانال الاشاده = مالم يختم من الاسياد
تقرير ياتيك مافاده = عمر الجهل صاحبه مافاد
ابوعيد=
العلم حول عن امجاده = اللي منول لهم ميراد
تجاهلو رموز لعماده = العلم ماراد به رواد
ابومحمد=
با العلم من نصّب اوتاده = ثابي عموده من الاوتاد
كل ماعتلا لاثبا زاده = طيبه على من جهل به زاد
ابوعيد=
هاذي شهاده لشهاده = كلٍ وماشهده به شاد
بلاك من حل في ماده = وحقيقته مايصل للماد
ابومحمد=
زادو مع الوقت في جهاده = من لاحتسو بالمعارف زاد
لو كان مايقدح زناده = بالمال ماهو بقدح زناد
يصبح لهم شيخ يرتاده = الكل0 ولطاعته فجهـاد
تكفلو ناس بأسناده = يلقى بها الدعم والاسناد

بخيتان البشري0=
جو المثل ودنا نسريه = مادام ليل السعد حاضر
سلام واجب لكم نهديه = حسب القوانين والسائر
علي عيد البشري =
زين المثل منك متحريه = اخذ معك فيه واباشر
يامرحبا مثلكم نشريه = ياطيب الفال والخاطر
بخيتان البشري =
تبقى على الطيب ياراعيه = لاشك مثلي بكم خابر
بي حال في داخلي بشكيه = يامن في فن المثل فاسر
علي عيد البشري =
بعدالموافا وصل ماديه =كلآ على ماقفه قادر
هات الذي فالحشا مخفيه = وشهوسبب جرحك الغاير
بخيتان البشري=
عميق جرحي وحاروفيه = طاقم من الطب والكادر
مالك دواء عندنا نعطيه = قالو وانا طرفي يناضر
علي عيد البشري =
مايعالج الجرح ويداويه = غيرالحبيب الذي ماهر
لن كان هذاالامر يعنيه = ملزوم في طبك يبادر
بخيتان البشري=
المشكله كيف والاقيه = قدام لايروح ويغادر
اللي على فراقنا حاديه = هوه سبب وضعنا الحاير
علي عيد البشري =
لاهو بيدك ولابيديه = حل القضيه لها ناظر
سيس الامر مع جناب البيه = اسعى على رضاه لاتكابر
بخيتان البشري=
لولا المحاذير في قافيه = وزود الملامات لا اخاطر
لكنها ياعلي تنهيه =واخشى عليه الهوى عابر
علي عيد البشري =
رب الملا جرحكم يبريه = وتنسى معه همك الجاير
لاتعذب القلب واتشقيه = والطرف لاتجعله ساهر
الخل كثر العنى يكفيه = ويكفيك دمعه لكم حادر
مادام لك الغلا كانيه = قادر على ليامه القادر