سلام ردية جوها صافي

سهل الراشد

سلام رديةٍ جوها صافي = مالوّث الهرج زبدة معانيها
ميزانها بالوفى للوفى وافي = والطيبة لهل الطيب نهديها

الطوفان

يامرحبا والعدل ساس الأنصافي=
=مار الخطيـه ترانـي مدانيهـا
وأقول وافي وربي هو الشافـي=
=والطيبه منك مانـي بشانيهـا

سهل الراشد

هلاهلابك ومنك العدل كافي = والوافية بيناتٍ مواريها
وانا كذالك على الخير ميقافي = في ديرة دين الأسلام حاميها

الطوفان

الوافيه قدم عينك وتنشافي=
=لكن لد النظر ولتفت فيهـا
و يزيدك الله من الخير ياشافي=
=وختام الأيام دايـم بتاليهـا

سهل الراشد

الجزل بالنايفة ماقفه نافي = كل الكبود المعاطيش يرويها
والشعر كنز المهمات ياسنافي = كم من قلوبٍ هوى الشعر تحييها

الطوفان

العالـم الله بالجهـر والخافـي=
=واسرار خلق الله انفوس تخفيها
والله من غيره الخلقه ايعافـي=
=والناس ياناس كثرت مأسيها

سهل الراشد

ياشاعرٍ بأعذب الشعر مايطافي = كل المعاني اموثّق مراسيها
بمرصّعات الذهب ثوبها ضافي = الأبن لبوه ماضن يعطيها

الطوفان

من قال نورالقمر مثـل كشافـي=
=عينـه مايبصربهـا الله يشافيهـا
ومرصعات الذهب كاش واسلافي=
=والله يديـم الليالـي عوافيـهـا

سهل الراشد

عهدي بها واخضر الغصن غريافي = يحرم حماها حيامٍ ضواميها
ودعتها في مشاريف الأريافي = شيحة شفاشيف والقيض شاويها