نخله وسيفيــن

الله على سود الليالي والايام=اللي تخلي صادق القلب مسكين
ماقدر اعيش بـ هالزمن كذب ووهام=ولاقدر ارد الصاع للزين صاعين
امشي على وضح النقا والتشيام=ولامشي على دروب الخنا والصعانين
ولا لي مع النمام ثوب ٍ ولا خام=ولا لي رحاة ٍ تطحن يالميامين
أنا بلاي وعلتي قلب منضام=من يوم ماقفى صاحبي داعج العين
اقفى وخلا لي هواجيس وهيام=ماكن حبه جاري ٍ فالشرايين
من عقبهم حالي غدى جلد وعظام=كني غريب الدار واهله بعدين
ليه الليالي مابها غير الاحلام=ليه الوفا تال الزمن جرح سكين
لاياوجودي وجد عود ٍ ولانام=يذكر عياله وسط دار المسنين
على زمان العولمه وجد منضام=على وليف الروح نخله وسيفين

صـــــــــــــــــــــــــــــــح
لـــــــــســــــانــــــــــك

وللامام

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

لاهنت وصح السانك

تقبل التقدير والاحترام

وفقك الله

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

وانت سالم وغانم


صح لسانك على هالرائعه

صح الله لسانك
ولاهنت
وسلم فكرك وبنانك
دمت برعاية الله وحفظة

الله يسلمك

كلمات جزلة ووافية من شاااااعر كبير ومتمكن

صح الله السانك


قصيدة عانقة السماء بجزالتها وأبداعها

تحياتي لك

صح لسانك وبيض الله وجهك ,,,