ديوان الشاعر ( راشد الزهراني ) المحيط

انهد حيلي ولابينت = صامد وطول الدهر صابر
آمنت بالله واستامنت = اللي بحال الشقي خابر

اخفيت حبي عشان الناس = ماتعرف اني بكم مغرم
خايف على وضعى الحساس= لاسير بين العرب مجرم

بانت وسوم الاسى فينا = اللي لنا اسنين مخفينه
من فالخلايق يواسينا = ويصبر القلب ويعينه

النوم محجوب من دوني = ما ينام طرفي نهار وليل
وكثر السهر اتلف عيوني = واثر على خافقي بالحيل

لولاك يا نعمة النسيان = ما كمل المرء مشواره
ولا كان صعب المسائل هان = واليأس ما حطم اسواره

تصور الحرف والمعنا = واحسب حروف الهجاء بالحرف
تلقى على ساس مرجعنا = مهما اختلف من زمان وظرف

يا ود امانه معك قلبي = لا تجرحه وانت ساكن فيه
يكفي من اسلوبك السلبي = تاخذمنه ود ماتعطيه