ديوان كسرات الشاعر (بندر البلادي ) (ابو خالد)

جرعني الحظ والمقسوم=اللي مع الناس متردي
ساعات يعلا معي ما يدوم=وان جاءت في يوم و تعدي

يوم السفروالغضي ماشي=ناديت يا صوتي المبحوح
ارجاك يا غصن ياناشي=ما يجوز بعد اللقاء بتروح

لي سيد مامل من حبه=ولازال باقي افكرفيه
وان عشت ثاني ترى احبه=ولغيره القلب ما اعطيه

ان جاءت للروح ياحالي=لاتلوم و تعاتب الاصحاب
حاسب ضميرك ولاتعالي=تلقى علاجك هناك ان حاب

لاتعاند الود من بدري=وتاخذ على خاطرك والبال
لوتلعب الدان و الحدري=الغصن ما يعتدل لا مال

ياعين قد ايش تبكينه=مافادك الحزن و الدمعات
ولابدك اليوم تنسينه=لايضيع باقي العمراهات

لو شفتها الروح حيرانه=من بعد هجرك مع الاصرار
ومن ذاق طعم الاسى عانه=مايميز الحلو ولا امرار

ســـلام يـحـمـل فـطـيـاتـه=سؤال لاهل الوفا و الطيب
مـن ذاق بالــود لدغـاتـه=معقول بعد العلاج يطيـب

مني سلام الغلا ياصل= للراس و يكمل المعلوم
ان كان بالخاطره حاصل= يبشر واغلق معاه اليوم

لاغاب حاضر معي ذكره=باليل حتى الصباح يبان
قدمت اخرت با لفكره=نفس النتيجه بلاني و كان