ديوان احمد بن عاقل الغانمى

احمد الغانمي=
بعد القمـر طـل فالساحـه=واستر قلبـي بعـد ماطـل
وعروق الاشواق سباحـه=وش حيلتي في عبير الفـل
المزمومي=
نص الشهر زادت افراحـه=من بعد نوره عليكـم هـل
ونيران الاشـواق ذباحـه=دامه بيدينك ملكـت الكـل
الغانمي=
أخـاف يقفـي لمرواحـه=وأنا بعد ما أرتويت أعـل
وعيون الأشواق فضاحـه=إليا ذكـر بالدمـوع تهـل
المزمومي=
اليوم فـي ستـرة جناحـه=تطري المفارق ياخيـي ول
وهموم الأشـواق جرّاحـه=بالقرب سيف الفراق تسل
الغانمي=
القلب لـو علـق وشاحـه=يخشى على الزين مايكمـل
والنفس ماهـى بمرتاحـه=كـم واحـد بيننـا يعـذل
المزمومي=
رصاص مذخور بسلاحـه=لجل العـواذل تعلّـك عـل
زان الحكـي دوك مفتاحـه=واحذر من الـود لايزعـل
الغانمي=
روحى لهـم دوم سباحـه=رغم المدى والعداء والقـل
ومن الرضا نلت مسباحـه=من الروى لانكسار الظـل
المزمومي=
أشوف لي بـوت بالباحـه=رافع شراع الهوى كامـل
وراع الهوى يحسب أرباحه=قـدام لايبـتـدي ويـمـل
الغانمي=
خبرى بكـم نـاس لماحـه=تقرا شروح الهوى لا فـل
والعمر لو تجـرى رياحـه=في ودهم للقضـاء اجمـل
المزمومي=
يامتعـب القلـب بالراحـه=الـود دربـه حريـر وزل
والسالفـة قطـف تفاحـه=فالصيـف قـدام لا تذبـل
الغانمي=
استسلب القلـب برماحـه=بعد ارتقا في شفـاه وحـل
والي بـه الـود يجتاحـه=ماظن عن حالهـم تجهـل
المزمومي=
بعـد التحاليـل لأقـراحـه=القلب عنـدك يبيلـه خـل
يعوّض القلـب مـا ناحـه=ضايع طبيبه ماعـاد يـدل