ماهر ابو خالد+محمد سعد اليوبي

محمد سعد اليوبي=
سلام طيه طلب يا مناي=داخل ثنايا المثل مشروح
ودي أنا أستمع للناي=اللي على مسمعي ما يروح
ماهر ابو خالد=
ترحيب لافي قريت أقراي = اللي كتبته لنا باللوح
في صحب مثلك أمل ورجاي = أطرب ونلقى صديق الروح
محمد سعد اليوبي=
عسى البقاء وافتكر في الجاي=اللي في سد الخيال يلوح
محتار.. أحسبه من أحد عداي=والا أنا بالنظر ما أشوح
ماهر ابو خالد=
للحكم مشهد وشرع وراي = فيها يظل الحكم مسموح
أعطيك فيها صحيح أرطاي = عن ما فدار القضا مطروح
محمد سعد اليوبي=
اللي حسبته يود رضاي=وأحسبت أنه سديد البوح
اليوم يضوي على مسراي=وإن جيت يقفي بلا مصلوح
ماهر ابو خالد=
هيا استمع للحكم في لقاي = من شرع يبطل عليك النوح
من لايثمن عليك أوصاي = تكويه بالسد لين يفوح