ديوان الشاعر ( حفيد الحجيري )

ما فيك يا صاحبي عله=شخصك و حرفك ذهب وأنفس
كامل وما كامل إلا الله=المشكله إنك ... هلالي بس

أسلاك .. بالله .. كيف أسلاك؟؟ =وانتَ معي وين ما أوجّه
كلما نسيتك وجا طرياك=الاقي الشوق .. فــــآ اوجّه

(طرف الصفا&الحجيري)

طرف الصفا=
كيف الرسايل عليها ارد=الي نصتني من اصحابي
وفالملتقى عامليلي حـد=فوق الذي يحوي حسابي
حفيد الحجيري=
ما اظن تعجزك ميـة رد=والطيب له بذل الاسبابي
ولحرب ما تقصرون الجهد=يا راعي الموقف الثابـي
طرف الصفا=
عن عزوتي ماقصرت اليد=اللي لهم ترخص اهدابـي
والأمر ما بين جزر ومـد=وضروف تخفى عن احبابي
حفيد الحجيري=
وافي وكلمة وفي ما تسد=واهل الوفا للوفا بابـي
حنا لعيناك بيح السـد=لكتابكم يشرح كتابـي
طرف الصفا=
تسلم وليتك تشوف الود = اللي لكم فالحشا رابي
انا المعنا وجرحي خد = ون جد أرسل لكم مابي

تسلم اخي حفيد الحجيري والله لايحرمنا من مثلك وشرواك ،

[/quote]

ما نشك في ود قلب مود=راع الوفا خطابه خطابي
الباب عن مثلكم ما يصَدّ=وما تنقفل عنكم ابوابي

يا طالب العلم لا تطالب=يتساونّ الماس والفولاذ
أستاذكم عندنا طالب=وطالب لنا عندكم أستاذ

( الحجيري&محمد سعد)

الحجيري=
تبغى الحقيقه منول كان=في ناظري ماله مشابه
واليوم بعد اللذي لي بان=قلبي تبرأمن أحبابه

محمد سعد اليوبي=
لأ .. لالالا كان بالإمكان=عيد النظر وإسمع الجابة
لك قلبك يحكم على برهان=وش الذي ياحسن صابه

الحجيري=
ما أنصاب قلبي إلى ذلوان=ولا صدّ لأهل النقا بابه
لكنّ سوّى له اِستبيان=وصفّى بَعَض ناس في حسابه

( البيرق & الحجيري )

البيرق=
لا ياحسن لاتسيبهم = ومن لايعرف الهوى مايلام
مايجوز تجفا مواصلهم = وماتعيش طول الزمن فليام

الحجيري=
قدام تحكم على مبهم=وتستنزف الحبر فالأقلام
لا تتّهم شخص مو مُتْهم=وافي و موفيه ما ينضام

البيرق=
اجل قولي عشان افهم = واستفهم الوضع باستحكام
ان كان تدرى مشاعرهم = وماتجهل ان الحياه نظام

الحجيري=
يالبيرق الله يسامحهم=اللي منول لنا أعلام
واليوم فالنازل أسهمهم=ما عاد تِشرى ولا تنسام

( ابن عباس & الحجيري )

ابن عباس اليوبي=
الزلـه اليّ من العرّيف=ماضن بتكون مــاقصوده؟
حطّمت كاني ضريب السيف=من حي نعتزبوجوده

الحجيري=
سهوة قلم جات مدري كيف=ماهي لشرواك ممدوده
والطيب ما يقبل التحريف=والعذر مدته محموده

ابن عباس=
ماكان ودّي بذا التكليف=فمثــــــالك الطيب معهوده
منك الـوفى زادني تشريف=يـــامنبع العزوركوده

( المثل & الحجيري )

المثل=
سلام يرعى شعوره تح=ضوء المثل صور الشاطي
بحر المعاني حنينه شح=واذرف كما النيل بعياطي
اح الغدر من لهيبه اح=واحيه ياهقوة الصاطي
كيف الخطأ يكتبونه صح=والصح يرجع لنا خاطي

الحجيري=
ترحيب نادر ومثله بح=عاليه يكشح به الواطي
تفحّ فيه المعاني فح=كالعود الازرق ليا اشتاطي
الغدر لو محّ قلبك مح=اصمد وللغدر لا تطاطي
واللي عن الخوخ قالوا جح=عن دربهم حيد واِحتاطي

(عاشق نجد&الحجيري)

عاشق نجد=
العين تبكي على ما فات = والقلب نبضه على الماضي
يا عين ما تفيدك الدمعات = ويا قلب نبضك على الفاضي
الحجيري=
ابدع يا عاشق ، يا عاشق هات=حرفك كما البرق لا ناضي
والغيث في أوله قطرات=والكل عن أوله راضي
عاشق نجد=
حفيد احرجتني بالذات = وممنون دامك علي راضي
يا ابو علي صاحبك ما يبات = كله سبب جمرة الغاضي
الحجيري=
طبـعـي كــذا راعــي الـجـزلات=مالـي عـن حْروفـه اِعراضـي
لا باس ، في أول الجلسات=قـــــــدمّ قــرايــنـــك لــلــقــاضــي
عاشق نجد=
لا هنت يا مشرف الكسرات = والهم يقرض بمقراضي
لو رحت بلقى المطوع مات = ويـا بعـد خـلـي عـن رياضـي
الحجيري=
ما تهون يا مكثر الونات=والهـم لـو بـالأمـل فـاضـي
لـلـيـأس لا تـرفــع الــرايــات=ولا تقول مـا بيننـا قاضـي

الكحيله=
ياقاري الحرف بالاعيان=بسألك عن شيء مضمونه
المرء هو يخلق العدوان؟؟=والاالشياطين يغووونه!؟؟

الحجيري=
يا حرف مبني على سيسان=والجزل جهره ومكنونه
أحيانا المرء كالشيطان=حتى الشياطين يخشونه