ردود الشعراء على خاطرة (كاحل الاعيان)

ابومبارك اليوبي=
ياخوان ماكان فالحسبان=ولاكان يخطر على بالي
اشاهده كاحل الاعيان=يضحك لغيري ولايبالي
حمّد بن عتيق اليوبي=
العولمه يارفيع الشان=تأثيرها فوقتنا الحالي
واضح فكل الشباب وبان=مايفرق المر والحالي
عطيه السيد=
ان0كان من يمهم قنـعان=لاتـشغل البــال بــشغالي
وان كان قلبك لهم ولهان=يطلب جبا ارخص الغالي
عبد العزيز الزويهري=
لا عاد تستغرب اللي كان = و عجايب الوقت في التالي
ما دام و انه لغيرك زان = ابعد عن الحي طوّالي
فواز الزويهري=
الصيدة اللي غدت لفلان = شطّب على بندها الحالي
بكرة يجيك العوض بإحسان =و تجني ثمر غصنك العالي
العراب=
بعض العرب لأنعشق خوان = يخلط لك المر والحالي
اصبر عليه والامور تبان = لا تصدر الحكم عجالي
الطواف=
يمكن يبي يشوف وش له شان = عندك وياهل ترى غالي
وإنه إذا يوم عندك هان = يقدر يورّدك للصالي
ابو حسان المحمدي=
جاهل وفيه الحلى فتان = يستدعي الدمع همالي
بوصيك ياصاحبي وانكان = فيه الامل وفر المالي
ابو ذيب=
مادام قلبك وفي ماخان=وأرخصت من شانه الغالي
لو يجحد الطيب والإحسان=إصحى معه تتعب الحالي