( لاجاك رسم المثل مليان ) . . ( عـمـار الاحمـدي ) . والشاعـر القديـر ( المـثـل )

عمار =
نهج المعاني على القيفان = والجو زانت له الكسره
ضوء القمر هيض الاشجان = ارسل سلامه من الفقره
المثل =
ترحيب ضوه على الاغصان = والحرف تسري به النظره
القاف لانور الميدان = نأخذ معانيه بالخبره
عمار =
الليل يمضي وانا سهران = اداري الجرح والعبره
والصمت ما بان للحيران = اللي امانيه في بكره
المثل =
ماغاب ضوء القمر للأن = على الامل مانتهى صبره
الصمت لاحير الانسان = يقضي لياليه في حسره
عمار =
زاد الماسي بعد ما كان = فالقلب يقضي هنى عمره
واليوم وسط الحزن غرقان = ابغى اشتكي الله في امره
المثل =
خط القلم يهدي الفنان = دام المثل مانتهى حبره
مانشتكي غير للرحمان = نؤمن ونصبر على قدره
الوجد لاهيض الوجدان = تسري قوافيه لاقبره
لاجاك رسم المثل مليان = من حكمته نأخذ العبره

صحت ابدانكم ويعطيكم العافية
وصح لسانك ياعمار
ودمتم جميعا في حفظ الله ورعايته