مصافحة فهد بن زيد ,, الحُبّ الاوُّل

السلام عليكم ورحمة الله وبركاته,
واسعد الله اوقاتكم بكل الخير,,
إليكم احبتي ,مصافحتي تلك عبارة عن ابيات متواضعة,,
اتمنى ان تروق لكم وترتقي إلى ذائقتكم المتميزة,,
وهي بكل تأكيد,,تعبّر عن نفسها,,
من خلال اسمها,,


[الحب الأول]

من اشعاري >,,قلت:-=
.=
الحبّ الأوّل مدري كذبة شبابي=عدَّآها قلبي والعــــذارى انتونــَّه
احلى حكايه عشتها فالتصابي=واحلى ’ ليـــال العشق قلبي حونـَّه
فيها الخطأ ماينخصم من حسابي=وفيها العزاري قلبي ياما زونــَّه
في صفحة ايــام العمرمن كتابي=حــبٍ. تلاشــى والليالي طونــَّه
شفـته بعيـن اللي غرامه سطابي= روحي وفكري والمشاعر.هونــَّه
البارحه شفـته وجـدَّد صـــوابي=قلــت الوفا قال الليالي استونـَّه
قلت العهد..ارسل دموعه جوابي=وأقفَىَ وأنا قلبي همومـه كونَّـه
ياما على طيفه خفوقي سرابـي=كل ماتهلَّ امزون غصنى رونَّـه
يامانثـرت الوجـد لا واعذابـي=ويامالحونـي فالقـــــــوافـي لونَّـه
لاطرُّوا,اسمه يختلف كل مابـي=اضحك وأضمّ بداخلي الف ونَّـه
اصك عن غيره مزاليج بابـي=وافتــــح له اضلوعٍ لحبه أونــّه
البارحه شفت الغضي عندبابـي=قلت الوفــا,قـال الليـالـي غــونَّـه
وش رايكم في حبي باوّل شبابي..؟= كنت احسبنّ أيام عمري طونَّـه!
.=
(وسلامتكم)=بقلمه المتواضع جدّآ ..فــهد بن زيـــد ’

,,,دمتم من الباري ’’ بكل الخير,,