الليله الحرف متشفق

راقي =
لي حرف بلحيل متشفق=شفقان يبغى يلاقي حرف
حرفين مع بعضها تحلق=اليا تلاقت تسوي ولف
البشري=
سالم علي جـاك مترفـق=يصرف ثمين المعاني صرف
والحرف لاصـار متوفـق=لابد يلقـى نصيـره حلف
راقي=
نعمين واخوك ماصدق=براع الوفا والمثل والعرف
وبعداد برق الحيا ماابرق=سلام من حامي الموقف
البشري=
عليـك مـاازود متوثـق=ممشاي قدّام ماارجع خلف
ياللي سلامك لنـا لحـق=ترحيب عد الروى ماجف
راقي=
اشكي لعلك معي مروق=وتفزع لامني شكيت الظرف
ياسالم البعد كم حرق=قلب المعنّا وحاف الطرف
البشري=
ماتلام لاصـار متعلّـق=قلب المعنّا وحار الوصف
ولاافتيك قدّام لااتحقـق=البعد مقصود ولاّ صدف
راقي=
قلبي على الوصل متشوق=يشكي اثار انشقاق الصف
هذا مغرب وذا مشرق=عيت يدين العزول تكف