حال الزمان

صلاة ربـي عالنبـي الشفيعـي=محمد اعطـاه الولـي الشفاعـه
وايقت في دنيا فضاها وسيعـي=واقول يادنيـا عليـك الوداعـه
عزاه ياهـذا الزمـان الفظيعـي=شيب براس الطفل وقت الرضاعه
والوقت عود في مداره سريعـي=وفي كل يوم نشوف شين فطباعه
احدٍ تعـلا فـي مقـامٍ رفيعـي=بالمال ماهو بالكرم والشجاعـه
واحدٍ شجيع ولالقي له سميعـي=رجـال لكنـه بلتـه المجاعـه
واحدٍ عطاه الله خيـر ويضيعـي=واحدٍ فقير وملتـزم بالطواعـه
وكم واحدٍ بالغش يشري يبيعـي=ومطففٍ كيله وغـش البضاعـه
وان قلت يحرم قال هذا طبيعـي=هذي تسمـى فالتجـاره براعـه
ولا عاد تلقى للامانـه وديعـي=إلا القليـل موقفيـن القنـاعـه
ويامكثر اللي جاحدين الصنيعـي=ارضٍ صبخ ماتنقنـي للزراعـه
وابليس وايق واعتلا كل ريعي=بين الولد وابـوه سبـب قطاعـه
وكلٍ تشيخ قال انـا مستطيعـي=مالي عضيدي فالرخا والشباعـه
راح الملاقا والنهـار الشنيعـي=كلٍ لحاله مايبـي لـه جماعـه
وكم واحدٍ طعناه عيَـا يطيعـي=واللي بعيد يقول سمـعٍ وطاعـه
وجيلٍ بدا من صغر سنه يصيعي=وقام يتعلم في فنـون الصياعـه
للغرب صـاروا أمعـاتٍ تبيعـي=ولا النبـي مافكـروا فاتبـاعـه
ممصوخ لا سني ولاهو بشيعـي=يختٍ مع الامواج يلعب شراعـه
وحتى الجبال الصم خوفي تميعي=من كثرة اهل الفسد واهل المياعه
والخوف من ذيبِ تولى القطيعي=يصلخ وياكل مانوتـه الشباعـه
الظاهر انه يفترسهـم جميعـي=مادام فعيونه يشـوف الطماعـه
اما رحم ربي بصقـرٍ شجيعـي=ياطا على كبده ويكسـر ذراعـه
ان صار قلنا جاء الهنا والربيعي=ولا على الدنيا نقـول الوداعـه

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداع

راعي الحناكيه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

صح لسانك

والله يعطيك العــــــــــافيه على الموضوع

وتحيتي والله الموفق

صح لسانك ملاييييييييييييييين



شاعر جزل اطرب لقصائدك



لك تقديري

الله الله عليك

صح لسانك


قصيده رائعه وتستحق الاعجاب من شاعر متمكن


لاهنت


تقبل تحياتي

ياسلام ياسلام


دره ياراعي الدرر ماشاء الله تبارك الله


شاعر وقصيده كما عهدنا فوق الشهاده


لا عدمناك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله السانك


قصيدة عانقة السماء بجزالتها وأبداعها

تحياتي لك