الله يبعد ردي النفس عن دربي

الله يبعد ردي النفس عن دربي=وانا عديم المروه باحذر دروبه
اللي على اهل المراجل ينفخ الذربي=ويذمهم والمراجل منه مسلوبه
اليا لقا فرصتن بادر وعيربي=وانا عجزت اعدله واحترت باسلوبه
اسايرهل ثم يرجعلي ويغدربي=وفي كل عامن ياناس يزيد عذروبه
قررت عنه ابتعد واقطع عنه قربي=وانساه واليا ذكرلي قلت والكوبه
والله لو ان زادي عنده وشربي=ماجيه لوان بقعا بدلت ثوبه
والعاقل اللي يدور صاحبن ذربي=يشيل عنه الهموم ويبري صيوبه
في خوته مايشوف الضيق والكربي=يدرا خويه ويعرف ويش مطلوبه
حرن على الطيب دايم باول السربي=وعلى الردى والخنا يمناه مقضوبه

صح السانك وبيض الله وجهك على هذي القصيده الشامخه

صح الله لسانك وبيض الله وجهك

	المشاركة الأصلية كتبت بواسطة ابو عابد السليمي

	الله يبعد ردي النفس عن دربي=وانا عديم المروه باحذر دروبه اللي على اهل المراجل ينفخ الذربي=ويذمهم والمراجل منه مسلوبه اليا لقا فرصتن بادر وعيربي=وانا عجزت اعدله واحترت باسلوبه

صح لسانك يالسليمي

وبيض الله وجهك

على هذه القصيده الرائعه

السليمي

صح لسانك و بيض الله وجهك و الله يبعد الرديان عن دروبنا

صح الله لسانك وبيض الله وجهك





مبدع لله درك



تقبل مروري واعجاابي

وليف الشوق
بخيتان البشري
عيسى العوفي
حميدان العوفي
عماد القرافي
صحت ابدانكم وشرفني مروركم

صح السانك وبيض الله وجهك على هذي القصيده الشامخه

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

صح لسانك وبيض الله وجهك

جزلة من راس جزل

تقديري واحترامي

دمت بخير